Actualitats
Boris Johnson pèrd la majoritat a la Cambra de las Comunas
Es probable qu’aquela situacion obligue Johnson de demandar un autre repòrt a l’UE per evitar una sortida sens acòrdi
L’oposicion es ara majoritària a la cambra bassa britanica. Lo Partit Conservator, dirigit per Boris Johnson, perdèt dimars de ser un de sos deputats, Phillip Lee, que jonguèt lo grop dels liberals pendent son discors e lo daissèt sens majoritat absoluda. Atal perdèt una mocion per 328 vòtes contra 301 e, doncas, los deputats que s’opausan al Brexit sens acòrdi amb l’UE poiràn introduire una proposicion de lei que blòque aquela possibilitat. Aquela lei pòt intrar uèi al a la Cambra de las Comunas dins l’encastre d’un debat d’urgéncia. Vist que i a pas pus de majoritat conservatritz, es probable que lo resultat obligue Johnson de demandar un autre repòrt a l’UE per evitar una sortida sens acòrdi.
Johnson aviá menaçat de convocar d’eleccions, que lo poirián refortir. Mas aquela opcion es complicada après la partença de Phillipp Lee. Lee a manifestat suls rets socials que es “chepicat” per l’estrategia tory sul Brexit e considèra qu’es “contaminada” pel “populisme e lo nacionalisme anglés”.
Johnson a expulsat 21 deputats de son partit
A mai, Johnon a fòrabandit 21 deputats de son partit, los 21 que vòteron contra el dimars de ser, dont dos èx-ministres, Ken Clarke e Philip Hammond, e lo felen de Churchill, Nicholas Soames.
Ièr, los trabalhistas confirmèron que refusavan la convocacion d’eleccions que la demanda Johnson, e que revendicarián las urnas sonque per evitar un Brexit sens acòrdi. “Volèm aver la garentida que i aja pas de Brexit sens acòrdi, e alavetz far d’eleccions a nòstras condicions, non pas a las de Boris”, çò diguèt Keir Starmer dins una entrevista a la BBC. Starmer parlèt tanben de la possibilitat d’una mocion de censura.
Johnson aviá indignat los deputats en perlongant lo barrament de la Cambra de las Comunas per vacanças e atal en daissant als deputats pauc de temps per poder combatre parlamentàriament son plan per quitar l’UE sens acòrdi. A mai, menacèt d’exclure de son partit qui votariá amb l’oposicion. Mas sembla qu’aquela menaça aja pas descoratjat los deputats.
Moment de la partença de Phillipp Lee
Johnson aviá menaçat de convocar d’eleccions, que lo poirián refortir. Mas aquela opcion es complicada après la partença de Phillipp Lee. Lee a manifestat suls rets socials que es “chepicat” per l’estrategia tory sul Brexit e considèra qu’es “contaminada” pel “populisme e lo nacionalisme anglés”.
Johnson a expulsat 21 deputats de son partit
A mai, Johnon a fòrabandit 21 deputats de son partit, los 21 que vòteron contra el dimars de ser, dont dos èx-ministres, Ken Clarke e Philip Hammond, e lo felen de Churchill, Nicholas Soames.
Ièr, los trabalhistas confirmèron que refusavan la convocacion d’eleccions que la demanda Johnson, e que revendicarián las urnas sonque per evitar un Brexit sens acòrdi. “Volèm aver la garentida que i aja pas de Brexit sens acòrdi, e alavetz far d’eleccions a nòstras condicions, non pas a las de Boris”, çò diguèt Keir Starmer dins una entrevista a la BBC. Starmer parlèt tanben de la possibilitat d’una mocion de censura.
Johnson aviá indignat los deputats en perlongant lo barrament de la Cambra de las Comunas per vacanças e atal en daissant als deputats pauc de temps per poder combatre parlamentàriament son plan per quitar l’UE sens acòrdi. A mai, menacèt d’exclure de son partit qui votariá amb l’oposicion. Mas sembla qu’aquela menaça aja pas descoratjat los deputats.
Moment de la partença de Phillipp Lee
The moment Philip Lee defects from the Conservative Party and joins the Lib Dem benches – the government majority is now gone. @DrPhillipLeeMP | @andybell5newspic.twitter.com/21GgaV9GWF
— Channel 5 News (@5_News) September 3, 2019
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Johnson is a lowlife politician at the bidding of a tory rabble longing for the lost empire / Johnson es pas qu'un cocarro de politician au darrèr d'ua rafatalha tory que vòu tornar trobar l'empèri perdut...e soi brave !
Semblariá que siegue lo pati a la cambra dels comuns...
"lo planeta", "los Comuns", ... aquel occitan me far cagar !
Mèfi! Lo Bòris a perdut una batalha mas a pas encara perdut la guèrra.
La Cambra dels Comuns ?!! Vist çò que de costuma produsissèm als comuns, i deu flairar maissant, aquí dedins !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari