Actualitats
Escòcia: l’independentisme poiriá ganhar amplament
Segon los darrièrs sondatges, los partits independentistas aumentarián fòrça lors vòtes, mas lo referendum d’independéncia autrejariá solament un 49% per l’òc
Lo Partit Nacionalista Escocés (SNP) aumentariá fòrça sa majoritat en Escòcia se i aguèsse ara d’eleccions a la Cambra dels Comuns, segon lo darrièr sondatge de YouGov publicat per The Times. Auriá 51 dels 59 deputats que se presentan; a las darrièras eleccions, en 2017, n’obtenguèt sonque 35.
Segon lo sondatge, los grands greujats serián los conservators, que passarián de 13 deputats a 3. Los trabalhistas tanben s’enfonzarián: de 7 a 1; e los liberals-democratas mantendrián lors 4 deputats.
La primièra ministra escocesa, Nicola Sturgeon, a la diferéncia dels trabalhistas, es partisana d’eleccions après l’aprobacion de la lei qu’empedís lo govèrn britanic de quitar l’UE sens acòrdi. Las eleccions se poirián far lo 14 o lo 15 d’octòbre s’aquela causida ten enfin la majoritat necessària.
L’independentisme se refortiriá a Holyrood
Lo meteis sondatge fa una estimacion de la composicion del parlament escocés après d’eleccions, previstas en junh de l’an que ven. Per aquel vòte, los partits independentistas aumentarián lor majoritat fins a 74 deputats, e a l’SNP, amb 64, li’n mancariá pas qu’un per la majoritat absoluda. Los Verds n’aurián dètz. A l’ora d’ara n’an 62 e 6 respectivament.
Quant al referendum d’independéncia que la primièra ministra Sturgeon a la volontat de menar a bon tèrme lo primièr semèstre de 2020, lo sondatge preditz una egalitat entre las doas opcions, amb l’independentisme a las pòrtas de lo ganhar: un 49% per l’òc e un 51% pel non.
Segon lo sondatge, los grands greujats serián los conservators, que passarián de 13 deputats a 3. Los trabalhistas tanben s’enfonzarián: de 7 a 1; e los liberals-democratas mantendrián lors 4 deputats.
La primièra ministra escocesa, Nicola Sturgeon, a la diferéncia dels trabalhistas, es partisana d’eleccions après l’aprobacion de la lei qu’empedís lo govèrn britanic de quitar l’UE sens acòrdi. Las eleccions se poirián far lo 14 o lo 15 d’octòbre s’aquela causida ten enfin la majoritat necessària.
L’independentisme se refortiriá a Holyrood
Lo meteis sondatge fa una estimacion de la composicion del parlament escocés après d’eleccions, previstas en junh de l’an que ven. Per aquel vòte, los partits independentistas aumentarián lor majoritat fins a 74 deputats, e a l’SNP, amb 64, li’n mancariá pas qu’un per la majoritat absoluda. Los Verds n’aurián dètz. A l’ora d’ara n’an 62 e 6 respectivament.
Quant al referendum d’independéncia que la primièra ministra Sturgeon a la volontat de menar a bon tèrme lo primièr semèstre de 2020, lo sondatge preditz una egalitat entre las doas opcions, amb l’independentisme a las pòrtas de lo ganhar: un 49% per l’òc e un 51% pel non.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Varen far lo referendum e lo perdere. Ara que calhen. No es poden far cada dos ans, tranquils e que n'esperen detz.
Independença par que? Per quitar una dictatura e tombar dins los braç d'un autre? Tant que las multinacionalas, las bancas, las asseguranças seran las mesmas en Ecossa coma dins lo reste de l'Angleterra o de l'UE, ren cambaria.
Lo Brexit es mas una batalha entre doas familhas que se partajan los milliards e que laissan los brisons auis petits.
I auria a gratar darrier l'independença si volam pas que quò siaja una peu d'ors.
Encara un esfòrç, escoceses, per dobrir las pòrtas de la caforna ont nos tenon embarrats!
Nos contan la faula que lo bruch que s’ausís defòra son los lops que nos vòlon manjar: de colhonadas, òc! Es pas que lo vent que bufa: es pas que lo buf de la libertat !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari