Actualitats
Lo feminisme critica lo plan de Macron per combatre la violéncia masclista
Mai d’un centenat de femnas son mòrtas ongan dins l’estat francés a causa de la violéncia masclista. Per o combatre, lo president de França prepausa ara un grand debat estatal
Mai d’un centenat de femnas son mòrtas ongan dins l’estat francés a causa de la violéncia masclista. Per o combatre, lo president de França, Emmanuel Macron, prepausa ara un grand debat estatal (ditz nacional). Ça que la, la majoritat de las associacions feministas e dels parents de las victimas ne critican l’iniciativa e exigisson mai de mejans e de rapiditat per arrestar los feminicidis.
Lo primièr ministre, Édouard Philippe, reconeis que cal de mesuras de proteccion urgentas, mas sens aumentar lo budget. Demest las mesuras que se pensan, i a la creacion de tribunals o de procuraires especializats o tanben lo braçalet electronic que detècta las agressions e avertís la polícia, de mesuras qu'existisson dins l‘estat espanhòl, qu’investís un miliard d’èuros per luchar contra aquela sòrta de violéncia. “N’i a que vòlon parlar de chifras. Evocaràn lo miliard espanhòl. Comptan pas sus l’ensems de çò que destinan a aquel subjècte pendent cinc ans, fins a aténher lo miliard. Ieu intrarai pas sus aquel terren”, çò a dich Philippe.
Mas las paraulas del primièr ministre agradan pas gaire als collectius feministas. “Malgrat son grand discors, e las grandas paraulas qu’a emplegadas, a pas pres la mesura de l’urgéncia ni de la gravetat de la situacion en França”, çò ditz Anaïs Leleux, pòrtavotz del collectiu Nous Toutes (Nosautras Totas)
De formar los policièrs serà una autra prioritat. Justament dimars passat, quand Emmanuel Macron vesitava lo sit parisenc del 3919, un centre d’atencion telefonica a las victimas, s’escotèt cossí un gendarma refusava d’ajudar una femna menaçada per son marit, çò rapòrta Libération.
Lo primièr ministre, Édouard Philippe, reconeis que cal de mesuras de proteccion urgentas, mas sens aumentar lo budget. Demest las mesuras que se pensan, i a la creacion de tribunals o de procuraires especializats o tanben lo braçalet electronic que detècta las agressions e avertís la polícia, de mesuras qu'existisson dins l‘estat espanhòl, qu’investís un miliard d’èuros per luchar contra aquela sòrta de violéncia. “N’i a que vòlon parlar de chifras. Evocaràn lo miliard espanhòl. Comptan pas sus l’ensems de çò que destinan a aquel subjècte pendent cinc ans, fins a aténher lo miliard. Ieu intrarai pas sus aquel terren”, çò a dich Philippe.
Mas las paraulas del primièr ministre agradan pas gaire als collectius feministas. “Malgrat son grand discors, e las grandas paraulas qu’a emplegadas, a pas pres la mesura de l’urgéncia ni de la gravetat de la situacion en França”, çò ditz Anaïs Leleux, pòrtavotz del collectiu Nous Toutes (Nosautras Totas)
De formar los policièrs serà una autra prioritat. Justament dimars passat, quand Emmanuel Macron vesitava lo sit parisenc del 3919, un centre d’atencion telefonica a las victimas, s’escotèt cossí un gendarma refusava d’ajudar una femna menaçada per son marit, çò rapòrta Libération.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a de trabalh a far per arribar a establir entre òmes e femnas, pertot dins lo monde, una relacion d'amor e de patz.
https://www.bfmtv.com/international/celui-qui-ne-tabasse-pas-sa-femme-n-est-pas-un-homme-un-chanteur-marocain-fait-l-apologie-des-violences-conjugales-a-la-television-1763036.html
L'occitanisme recorda los trobadors: "Fin' amor", quan altres paises fasevan cançons de gesta , o croadas per conquistar terras lonhanas, Tolosa era la capitala europea on es cantava la poesia de l'amor; l'amor cortès e profà, de totas classas, es parlava de l'elevacion de la dona, la dama, lo sieu respecte e valoracion coma jamai.
#2 "l'occitanisme que n'en pensa?" a veire la diversitat dels comentaris, m'estonaria que "l'occitanisme" parlèsse d'una sola votz!
#4 Merces de moderar lo discors.
La pancarta es clara ": ni clemence, ni pardon"
Venia juste de legir lo libre d'Alain Kardec : "le ciel et l'enfer" editat per lo prumier còp en 1865 a Paris e que trobaretz sur internet. L'autor rapelava qu'a l'epòca, los discors de la gleisa catolica envoiavan aus enfers los meschants per l'eternitat de l'eternitat. Aqui i eran consumat a petits o grands fuecs, e, tot lo temps torturar sens jamai aver la possibilitat d''en surtir. E dins l'enfer i avia mai de monde que los meschants. Lo neant daus laics après la mòrt es pas mielhs. I a pus de possibilitat de se rachetar e d'elevar sa consciença. S'i a pus ren apres la mòrt, a de que quò sert d'esser bon o meschant? Ente es la violença? a Paris, Marselha o dins las campanhas?
Per tornar a la situacion en França, a l'ora d'aura, avetz rason de se pausar la question de saber qualas son aquelas violenças, si son en augmentacion e d'ente venen. Una femna policiera que se sert d'una arma contre daus manifestants es pas violenta? Las condicions economicas e socialas fan pas augmentar las violenças? Los discors daus jornalistes e dau politics ensemençen l'armonia o la violença? La dificultat d'integrar los imigrants en es benleu una autra.
E que dire d'una chartra de las valors? Si quò era important, l'occitanisme en auria fach v'una dempuei longtemps.
Platussaire sei, mas superficial es lo discors de Jornalet.
Caldriá pas que l'arbre de las "violéncias masclistas" nos amaguèsse la forèst de las violéncias tot cort. Caldriá saber las causas d'aquela aumentacion de las violéncias e de l'ensalvagiment de la societat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari