Actualitats
“Esperança”, Hip-hop aranés contra era violéncia masclista
SHHNHC qu’an hèt eth sòn prumèr vidèo-clip contra era violéncia de genre damb er engatjament de tota era societat aranesa
Sin Hip-Hop No Hay Crew (SHHNHC) qu’ei un grop qu’amasse a 7 joeni passionats dera cultura hip-hop e dera musica rap residents ena Val d’Aran.
Luenh des estereotips “oficiaus” de violéncia gratuïta e masclisme des cantaires de rap, era còlha de SHHNHC que prenen consciéncia dera realitat dera vida vidanta e des problèmes dera societat ena que viuem.
Eth 3 de noveme d’est’an passat, Sabrina, de 32 ans e mair d’ua hilha de 2, que moric en un apartament deth carrèr Casteth de Vielha, assassinada peth sòn parelh eth madeish dia qu’anauen a signar eth divòrci.
Era notícia lèu s’estenèc per tota era Val d’Aran e es mòstres d’indignacion contra era violència de gènre autant coma eth sosten ara familha be sigueren visibles en ua manifestacion que se debanèc pòqui dies dempús der assassinat.
En tot rebrembar era tragedia un an dempús, SHHNHC i a dedicat eth sòn prumèr videoclip, intitolat “Esperança”, damb era collaboracion d’Alidé Sans. Era tematica d’aguesta opera prima audiovisuau (de mès de 8 menutes de durada) qu’ei eth messatge fèrm e clar contra era violencia e eth patriarcat.
“Esperança” qu’ei tanben ua mòstra dera multiculturalitat deth país; ei cantat en occitan aranés (Crazy Alvarez e Alidé Sans), en galèc (Mijha), en catalan (Jack Sporrow) e castelhan (Lil.F, Nittha e Noza).
Era produccion deth videoclip qu’a compdat damb eth supòrt de nombrosi aranesi e collectius coma es Pompièrs, associacions de retirats, membres deth personau der Espitau de Vielha-Mijaran, guardes forestaus o professors d’escòla. Toti apareishen en vidèo en tot tier plancardes d’arrefús ara violéncia masclista que se combinen damb imatges dera dera manifestacion qu’auèc lòc arunan enes carrèrs de Vielha.
Eth clip qu’ei estat ua capitada, atau ac demòstren es mès de 4500 vesites recebudes en ua setmana sus YouTube.
Marc Espí/Red.
Luenh des estereotips “oficiaus” de violéncia gratuïta e masclisme des cantaires de rap, era còlha de SHHNHC que prenen consciéncia dera realitat dera vida vidanta e des problèmes dera societat ena que viuem.
Eth 3 de noveme d’est’an passat, Sabrina, de 32 ans e mair d’ua hilha de 2, que moric en un apartament deth carrèr Casteth de Vielha, assassinada peth sòn parelh eth madeish dia qu’anauen a signar eth divòrci.
Era notícia lèu s’estenèc per tota era Val d’Aran e es mòstres d’indignacion contra era violència de gènre autant coma eth sosten ara familha be sigueren visibles en ua manifestacion que se debanèc pòqui dies dempús der assassinat.
En tot rebrembar era tragedia un an dempús, SHHNHC i a dedicat eth sòn prumèr videoclip, intitolat “Esperança”, damb era collaboracion d’Alidé Sans. Era tematica d’aguesta opera prima audiovisuau (de mès de 8 menutes de durada) qu’ei eth messatge fèrm e clar contra era violencia e eth patriarcat.
“Esperança” qu’ei tanben ua mòstra dera multiculturalitat deth país; ei cantat en occitan aranés (Crazy Alvarez e Alidé Sans), en galèc (Mijha), en catalan (Jack Sporrow) e castelhan (Lil.F, Nittha e Noza).
Era produccion deth videoclip qu’a compdat damb eth supòrt de nombrosi aranesi e collectius coma es Pompièrs, associacions de retirats, membres deth personau der Espitau de Vielha-Mijaran, guardes forestaus o professors d’escòla. Toti apareishen en vidèo en tot tier plancardes d’arrefús ara violéncia masclista que se combinen damb imatges dera dera manifestacion qu’auèc lòc arunan enes carrèrs de Vielha.
Eth clip qu’ei estat ua capitada, atau ac demòstren es mès de 4500 vesites recebudes en ua setmana sus YouTube.
Marc Espí/Red.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mercé Pla! Mortel!
Felicitacions. Represent !
Seriá una idea los far rescontrar dins una contesta ambé los Doctors de Trobar.
Aquò, ua cançon hip hop en aranés, per non pas estar tròp au mon gost, qu'a 1 000 000 de còps mé de puishença qu'un "Jan-Petit que dança" o auta cançon estada que tornan e que tornan a har virar.
Osca.
Aquò, qu'a mé de poder que 1 000 000 d'academicians dont se pelèjan sus possibles nòrmas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari