Actualitats
La teoria de Clovis trantalha
Son estats descobèrts prèp de 200 espleches de pèira, de ponchas de sageta e d’òsses d’animals caçats per d’umans en Idaho qu’an almens 16 000 ans. La teoria de Clovis, qu’afirma que i aguèt pas d’umans en America del Nòrd abans fa 14 000 ans
La teoria de Clovis, qu’afirma que i aguèt pas d’umans en America del Nòrd abans fa 14 000 ans, comença de trantalhar. Son estats descobèrts prèp de 200 espleches de pèira, de ponchas de sageta e d’òsses d’animals caçats per d’umans en Idaho qu’an almens 16 000 ans. Los arqueològs confirmèron qu’aqueles umans i poirián èsser arribats a travèrs de l’ocean Pacific e per la còsta.
Lo sit arqueologic ont foguèron trapats los espleches es situat entre lo riu Rock e lo flume Salmon, a l’oèst d’Idaho, dins un luòc que los indigènas americans nimíipuus (nez-percés) nomenan Nipéhe e que los abitants de la region tanben coneisson amb lo nom de Cooper’s Ferry. Segon los scientifics seriá estat lo primièr luòc que nòstra espècia rescontrèt en tot arribar en America del Nòrd après daissar endarrièr los darrièrs glacièrs.
La còla d’arqueològs que faguèt aquela descobèrta fenomenala confirmèt qu’èran estats trobats fins a 179 espleches de pèira faches per d’umans entre projectils de caça, de bifaces e d’autras aisinas. E la majoritat son semblables a diverses autres trapats en Japon fa gaire de la meteissa epòca. En mai d’aquò, trobèron de carbon, de rèstas d’un fuòc e 36 òsses fossils d’animals de talha mieja e granda.
Una tròba excepcionala
“Abans de far l’analisi amb la tecnica sonada radiocarbòni, los espleches mai ancians jamai rescontrats en America del Nòrd avián solament 13 000 ans, çò diguèt Loren Davis, de l’Universitat d’Oregon. Mas après veire la resulta de l’analisi se poguèt confirmar qu’èran d’espleches umans de fa aperaquí 16 000 ans”.
D’en primièr, pels arqueològs l’edat d’aqueles espleches èra pas de creire. Pasmens, tornèron far l’analisi dels fossils mai d’un còp fins que foguèsson segurs de l’edat de las pèiras. E tot aquò pr’amor qu’es una tròba que fa trantalhar totalament la teoria de Clovis.
Segon aquela teoria, los primièrs umans que serián arribats en America del Nòrd serián estats los de la cultura de Clovis que i demorèt fa sonque 14 800 ans. En mai d’aquò, la meteissa teoria ditz que nòstra espècia i seriá arribada dempuèi Siberia en tot traversar Bering e Alaska e puèi los glacièrs del nòrd american fins qu’arribèsse en Dakota.
“Ara sabèm que los umans arribèron en Idaho fòrça abans que se dobriguèsse un camin entre los glacièrs per i daissar passar los òmes, çò apondèt Davis. E aquò sonque pòt voler dire que nòstra espècia caminèt vèrs lo sud al long de la còsta del Pacific”. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Lo sit arqueologic ont foguèron trapats los espleches es situat entre lo riu Rock e lo flume Salmon, a l’oèst d’Idaho, dins un luòc que los indigènas americans nimíipuus (nez-percés) nomenan Nipéhe e que los abitants de la region tanben coneisson amb lo nom de Cooper’s Ferry. Segon los scientifics seriá estat lo primièr luòc que nòstra espècia rescontrèt en tot arribar en America del Nòrd après daissar endarrièr los darrièrs glacièrs.
La còla d’arqueològs que faguèt aquela descobèrta fenomenala confirmèt qu’èran estats trobats fins a 179 espleches de pèira faches per d’umans entre projectils de caça, de bifaces e d’autras aisinas. E la majoritat son semblables a diverses autres trapats en Japon fa gaire de la meteissa epòca. En mai d’aquò, trobèron de carbon, de rèstas d’un fuòc e 36 òsses fossils d’animals de talha mieja e granda.
Una tròba excepcionala
“Abans de far l’analisi amb la tecnica sonada radiocarbòni, los espleches mai ancians jamai rescontrats en America del Nòrd avián solament 13 000 ans, çò diguèt Loren Davis, de l’Universitat d’Oregon. Mas après veire la resulta de l’analisi se poguèt confirmar qu’èran d’espleches umans de fa aperaquí 16 000 ans”.
D’en primièr, pels arqueològs l’edat d’aqueles espleches èra pas de creire. Pasmens, tornèron far l’analisi dels fossils mai d’un còp fins que foguèsson segurs de l’edat de las pèiras. E tot aquò pr’amor qu’es una tròba que fa trantalhar totalament la teoria de Clovis.
Segon aquela teoria, los primièrs umans que serián arribats en America del Nòrd serián estats los de la cultura de Clovis que i demorèt fa sonque 14 800 ans. En mai d’aquò, la meteissa teoria ditz que nòstra espècia i seriá arribada dempuèi Siberia en tot traversar Bering e Alaska e puèi los glacièrs del nòrd american fins qu’arribèsse en Dakota.
“Ara sabèm que los umans arribèron en Idaho fòrça abans que se dobriguèsse un camin entre los glacièrs per i daissar passar los òmes, çò apondèt Davis. E aquò sonque pòt voler dire que nòstra espècia caminèt vèrs lo sud al long de la còsta del Pacific”. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Soi un pauc susprés de descobrir dins aqueste article la "teoria de Clovis" pretendent que non i auriái agut cap umans en America del Nòrd abans fa 14 000 ans. Ne soi susprés essent donat qu'aviam, en Antropologia Genetica, dins l'estudi menimós de las populacions amerindianas intertropicalas, pres costuma d'estimar la populacion mai anciana d'umans d'aquela zòna coma remontant a al mens 20 000 ans. De segur, los Aztècs, Toltècs, Maias, Guaranis, Incas, e autres braves montanhòls quaechoas o aimaras èran plan mai recents. Mas la populacion mai anciana, subrevivent fòrça umilament a ras d'un grand lac, en autarcia, se mostrava dos o tres còps mai anciana, segon los relevats genetics. E plan segur, totas aquelas populacions remontavan al continent asiatic qu'avián quitat a de periòdis manifèstament diferents, mas sempre en passant per l'Estreit de Bering, durant unas glaciacions successivas. Cossí volètz qu'aqueste brave mond, passat fa mai de 20 000 ans, non siá passat per Alaska e America del Nòrd ? Practicavan l'aviacion, la levitacion, la navegacion transpacifica subre mai de la meitat del mond ?
Per consequent, non soi susprés de constatar que d'arqueològs tròben traças vièlhas de 16 000 ans. E pensi que ne trobaràn de mai vièlhas encara.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari