CAPÇALERA PAIS INVISIBLE

Actualitats

InternacionalPolitica

Lo president de l’Assemblada Nacionala francesa mes en examen per “presa illegala d’interèsses”

Dimècres, foguèt interrogat pendent tretze oras a causa d’una operacion immobiliària de 2011, quand èra director general de las Mutualas de Bretanha

| L\'OBS
Lo cap dels deputats franceses, Richard Ferrand, es estat mes en examen per un tribunal de Lilla per “presa illegala d’interèsses”. Dimècres, foguèt interrogat pendent tretze oras a causa d’una operacion immobiliària de 2011, quand èra director general de las Mutualas de Bretanha. Puèi, un comunicat del ministèri public anoncièt sa mesa en examen. Ferrand afortís qu’es “determinat a contunhar sa mission” coma president de l’Assemblada Nacionala francesa, çò que vòl dire que pensa pas de demissionar. Segon France Info, a lo sosten del president de França, Emmanuel Macron, e de divèrsas personalitats de La Republica en Marcha.
 
La pòrtavotz del govèrn francés, Sibeth Ndiaye, a assegurat dins una entrevista a Europe 1 que Macron manteniá “tota sa fisança” en Richard Ferrand. Coma a dich, es “un òme leial, drech, qu'a una trajectòria politica exemplara”, e a apondut que caliá respectar la presompcion d’innocéncia.
 
L’afar pel qual se met en examen Ferrand remonta a 2011, quand èra director general de las Mutualas de Bretanha. Alavetz, aquel organisme causiguèt una societat proprietat de sa calinhaira, Sandrine Doucen, per logar un local comercial a Brèst, malgrat que i aguèsse doas autras opcions. D’efièch, coma o publiquèt posteriorament la premsa francesa, la crompa del local per 370 000 èuros e los trabalhs, calculats a 184 000 èuros, se financèron amb los loguièrs pagats a Doucen per las Mutualas de Bretanha. De fach, foguèt la promesa d’aquel loguièr que li permetèt d’obténer un prèst bancari necessari per l’operacion.

 
 

 
 
 


 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Black Blòc Joe
3.

#1 Quand s'agís d'artistas plan presats del public, lo fait que gents crompan òbra significa qu'un artista, pel biais de son talent, ganhe una tala massa d'argent.

Per totes los autres, pausas la bona question : qui "ganha" una tala 500 000 € de l'an ? Es impensable de meritar, mercés a un trabalh onèste, tantes còps mai qu'un smicard, impossible, inimaginable ! Una sòma aital se ganha pas jamai : se pana, ni mai, ni mens, e se paga subre la susor dels autres, dirèctament o indirèctament.

  • 1
  • 0
Pitaluga
2.

Mas tot es legal! Quita pas d'o dire!

  • 2
  • 0
Mèfi ! 31
1.

Le montatge es classic, les loguièrs finàncian las mensualitats del manlèu.
Se le manlèu es d'un 100%, la valor iniciala de zero, passa a la valor del mercat, un còp le manlèu repagat. Les immòbles se repagan sus de duradas cortas, e me patrimòni engendra una renta longa.
Se aquèll loguièr es agaitat com normal, çò's corrent, es qu'es una generalitat anormala.
Qui va ganhar 500 000 EUR en 6 ans?

  • 3
  • 0

Escriu un comentari sus aqueste article