Actualitats
Google Maps a introdusit de fotografias nocturnas de la Tèrra
Se basa suls imatges per satellit publicats recentament per la NASA
En aprofechant l’album nocturne de fotografias per satellit qu’an publicat fa pauc la NASA e la NOAA, lo cercador Google a apondut un esplech de mai al sieu servici de mapas per poder visualizar interactivament la Tèrra de nuèch. Amb Earth at Night, los usatgièrs pòdon observar lo mond dins la sornura de la nuèch e sens nívols, amb las zònas mai abitadas que son illuminadas.
La NASA e la NOAA publiquèron fa una setmana de fotografias nocturnas de la Tèrra, fachas per satellit. Google las a amassadas en una mapamond interactiva ont se pòt comparar la sornura dels desèrts amb l’illuminacion extrèma d’airals urbans fòrça denses.
En Occitània se pòt plan distinguir las vilas mai pobladas: Bordèu, Tolosa e, mai que mai, Marselha qu’es al centre d’un grand airal metropolitan s’estendent de Niça fins a Montpelhièr e Valença.
La NASA e la NOAA publiquèron fa una setmana de fotografias nocturnas de la Tèrra, fachas per satellit. Google las a amassadas en una mapamond interactiva ont se pòt comparar la sornura dels desèrts amb l’illuminacion extrèma d’airals urbans fòrça denses.
En Occitània se pòt plan distinguir las vilas mai pobladas: Bordèu, Tolosa e, mai que mai, Marselha qu’es al centre d’un grand airal metropolitan s’estendent de Niça fins a Montpelhièr e Valença.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Bèugica e Pais-Bas son lei mai impressionants. Ren d'estonant, seis autopistas an de lumes de nuech ! La valada de Nil tanben, que se vei dins d'autres fòtos. Per quant au pes demografic de l'airau marselhés, que dire de mai. L'es quasi 4 milions de personas de la mar de Berra fins a Niça, un terç de la populacion occitana sus 200 km ( 1.8 milions per l'airau marselhés solament !). Sensa parlar de far un novèu Paris, aquelei qu'organisan de passa-carriera a Carcassona deurian prene en còmpte aquesta realitat. Bessai que vendrian 100000 personas...
#7 Lei lumes son mai denses dins l'espaci situat entre Besiers, Nissa e Valença que dins la valada de Garona.
Vòc cadun es lo centre, mas lei fachs son testards : Provença es la 1era region en populacion d'Occitània e Marselha es la 1era vila d'Occitània. Aquò lo monde sembla l'oblidar.
çò qu'es estrambordant aquò's la plana del Pò!
Bordèus, Tolosa, punt isolats ? Vos cal crompar vesiclas, macarèl ! I a un fial contunhat de lums mai o mens regulars de Bordèu fins a Nica, de Tolosa fins a Pau e, vertat, de Niça fins a Valéncia, e mai fins a Múrcia. Lo centre d'Occitania es lo còr de l'òme d'òc, e coma cadun o sap, lo còr d'un amaire batega dins lo pitre de la persona amada. Sèm totes luènh dels unes e vesins dels autres ! Atal va la vida. Lo centre d'Occitania es sa lenga, ni mai, ni mens. Per quant a sa zonas d'ombra sus la mapa, i cal pas cercar res de misteriós, ni mai de miserós : las montanhas son pas tant urbanidas coma las grandas vias (romanas) de comunicacion. A ieu, çò que mai m'estomaca, es lo gras d'urbanizacion d'Itàlia de Nòrd, fòrça plan mai espandida que la de la Little France (Ile de France).
Una organisacion culturala federala e non centralista, es clar que es ben per Occitània. Mas devèm constatar que numericament la zòna de populacion la mai importanta d'Occitània es dins un triangle que lo centre es Marselha. Ni vos/tu, ni io i poèm ren, es coma aquò. Es donca ges question de ben ò de marrit.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari