Los manifestants pròdemocracia d’Hong Kong an un nòu imne qu’an alestit en pauques jorns gràcias a una campanha de dons en linha. Es entitolat “Glòria a Hong Kong” e la musica l’a facha un jove de 20 ans que vòl demorar anonim e respond a l’escais de Thomas. La cançon se publiquèt sus Internet fa doas setmanas dins un vidèo esmovent ont los musicians jogavan vestits coma los manifestants.
 
Divendres passat, lo sonèron sus la cima dels dos puèges pus importants de la ciutat, a l’ocasion del centen jorn que comencèt la darrièra èrsa de protèstas contra la lei d’extradicion que la prepausava China. Atal, los manifestants se rescontrèron sus la Crèsta e sus la Ròca del Leon e faguèron una cadena umana amb de candelas e de lantèrnas per un resultat espectaclós.
 
E mai la lei d’extradicion siá retirada, los manifestants contunhan de protestar en revendicant de reformas democraticas e la fin de la repression policièra.

 
 

 

This Philharmonic Orchestra version of the "Glory to Hong Kong" is really madness, the arrangement and the visuals. From dressing in Full Gear to play the music, to the teargas scenes, to the youtube a/c name "Black Blorchestra". PERFECT!

I LOVE HKers!https://t.co/xOfcCwSwt1pic.twitter.com/2j2D6Khgoj

— LO Kin-hei 羅健熙 (@lokinhei) September 11, 2019