Un jutge de Lion (Arpitània) establiguèt diluns passat que panar de retraches oficials del president francés, Emmanuel Macron, èra legitim. Lo jutge estima que “lo despenjament e lo levatge sens autorizacion d’aquel retrach deu èsser interpretat coma lo substitut necessari del dialòg impracticable entre lo President de la Republica e lo pòble”. D’un caire, lo jutge a reconegut que lo retrach levat es un “objècte de nauta valor simbolica”, mas de l’autre a afirmat que la gravetat de la crisi climatica dona de legitimitat a de “nòus biaisses de participacion politica”.
 
Se jutjava Fanny Delahalle e Pierre Goinvic, dos activistas de l’organizacion non-violenta COP21 qu’en febrièr passat despengèron e emportèron lo retrach de Macron d’una comuna d’un quartièr de Lion. Lo procuraire de la republica demandava una multa de 500 èuros pels activistas en argumentant que s’agissiá d’un panatòri que resolviá pas brica la crisi climatica.
 
Divèrsas accions similaras se son tengudas per tot l’estat francés dins l’encastre de la campanha “Despengem Macron”. Dins aquel sens, un jutge de Borg de Bressa (Arpitània) a condemnat un activista a una multa de 250 èuros del temps qu’a Estrasborg un jutge daissava en libertat tres activistas qu’avián fach la meteissa causa. Al total, an despenjat 128 retraches oficials d’Emmanuel Macron per protestar per son “inaccion climatica e sociala” pertocant lo cambiament climatic.
 
D’activistas environamentalistas e politicians d’esquèrra an interpretat la senténcia coma una victòria simbolica.
 

I COMMUNIQUÉ DE PRESSE I

Lyon : les décrocheurs relaxés, l’inaction climatique du gouvernement reconnue

Lire le communiqué : https://t.co/6AiMpJotT3#DécrochonsMacron#RentréeAuTribunalpic.twitter.com/MRcoILzn79

— ANV-COP21 (@AnvCop21) September 16, 2019

 

Je salue la relaxe de deux décrocheurs de portraits de Macron #Macron#DecrochonsMacron#Decrocheurshttps://t.co/WaFB8BpNDt

— Jean-Luc Mélenchon (@JLMelenchon) September 16, 2019