Actualitats
D’estudiants e d’escolans del segondari del Mond entièr protèstan uèi contra lo cambiament climatic
La protèsta se ten a tres jorns de la reünion pel clima qu’aurà luòc diluns venent a l’ÒNU
La protèsta a luòc a tres jorns de la reünion pel clima que se tendrà diluns que ven a l’ÒNU. Aquela reünion tendrà tanben la preséncia de la jove activista environamentalista Greta Thunberg, qu’es als Estats Units. A solament 16 ans, a decidit d’interrompre sos estudis per prene un an sabatic e profechar de son resson mediatic per conscientizar de l’urgéncia climatica los caps mondials. Après Nòva York, vesitarà Canadà, Mexic e Chile. Arribada en America sus una nau ecologica del monegasc Pierre Casiraghi, Thunberg percorrerà lo continent en autobús e tren, acompanhada de son paire.
On September 20, people of all ages all across the world will be leaving school and work to fight for their futures. Will you join them? #Fridays4Future#ClimateStrikepic.twitter.com/iB8UvjLouq
— The YEARS Project (@YEARSofLIVING) September 13, 2019
Rescontre amb Barack Obama
L’èx-president dels Estats Units, Barack Obama, l’a rescontrada a Washington. “Tu càmbias lo Mond!” çò a dich Obama a Thunberg.
Dins lor convèrsa, Thunberg a precisat que “degun es pas tròp petit per cambiar lo Mond” del temps qu’Obama disiá que los dos ensems fasián “una bona còla”. “A solament 16 ans, Greta Thunberg es demest los mai grands defensors de la planeta. En reconeissent que sa generacion viurà las piègers consequéncias del cambiament climatic, a pas paur de quichar las gents per que se faga quicòm. Simboliza la vision de la Fondacion Obama: un futur plen de joves caps coma ela”, çò a dich Obama sus Twitter après lo rescontre.
Our future will be shaped by the next generation—and @GretaThunberg isn't waiting to get started. At 16, Greta is a leading voice in the fight to save our planet. Yesterday, she sat down with @BarackObama for a conversation about how no one is too young to change the world. pic.twitter.com/7qnIXyUY8P
— The Obama Foundation (@ObamaFoundation) September 17, 2019
“Los govèrns viòlan los dreches constitucionals”
Thunberg veniá de participar, amb d’autres joves, a una comission a la Cambra dels Representants dels Estats Units. Aquí, amb son seriós e sa timiditat abituala, a respondut als elegits que vòlon pas arrestar la pollucion amb l’argument que China polluís mai: “Dins mon país, en Suècia, dison la meteissa causa en mençonant los Estats Units”, çò a assegurat. Enfin a insistit per dire que vòl pas que l’escoten a ela, mas los scientifics.
Los joves activistas qu’acompanhavan Thunberg an fach una denóncia a la Cort Suprèma dels Estats Units, per avertir que “son los govèrns que viòlan los dreches constitucionals a la vida e la libertat dels joves quand fan pas res per arrestar lo cambiament climatic”.
"I don't want you to listen to me, I want you to listen to the scientists. And I want you to unite behind science. And then I want you to take real action." Climate activist Greta Thunberg, 16, appeared in front of Congress before a climate change hearing. https://t.co/2s1jbS9ED9pic.twitter.com/4i4QeN772w
— CNN (@CNN) September 19, 2019
GRETA TAKES DC: Teen climate activist Greta Thunberg is protesting alongside Washington, D.C.-area students outside the White House. Thunberg and company are calling on the Trump administration to take action on climate change https://t.co/D9kqK9G3cP
— NowThis (@nowthisnews) September 13, 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los mai joves son los qu' auran la conseqüèncias del maltracte de la terra e de l'aire e la mar, no pensar en los mals que fa la contaminacion, non cercar solucions. Aquestas an de ser globalas, neteja de l'aire, lo control de la natalitat, alimentacion mai convenienta que faci possible que tot lo planeta aja aliments sans per tots los ser vius, e la pedagogia necessaria per a la poblacion.
#6 Nos podriatz explicar çò que "Wall Street, CNN, Monègue , Coca-Cola, Me Too, Cac 40, Hollywood, CIA, NSA..." pòden ben aver a ganhar emb lo discors de Greta Thunberg? Consomar mens e mielhs, 'restatz de polluir tant, chamnhar de biais de produsir, me sembla que qu'es tot lo contrari dau liberalisme.
#5 Visca Santa Greta Thumberg ! Approved by Wall Street, CNN, Monègue , Coca-Cola, Me Too, Cac 40, Hollywood, CIA, NSA, e fins a la macronalha qu'i ven crocar son vagon ! Amb tota aquesta cola la planèta ( que disi, lo sistèma solari tot ! ) risca pas de se far de marrida sang per l'avenir seu...
« Eretam pas la tèrra de nòstres parents, la manlevam a nòstres enfants. »
Emai d’atribucion incertana aquesta paraula sàvia es ara cridanta de vertat e d’actualitat. Los qu’avèm plan profechar de tot al sègle passat devèm reconéisser als joves lo drech de nos brandir las pelhas. De tot biais dison res mai que çò que ditz un consensus de scientifics.
An pas consciéncia de son indecéncia e de sa vacuitat los que nos servisson ad nauseam lor argumentari bufèc d’instrumentalizacion, de manipulacion, de recuperacion, … ?
#1 'Restatz de dire entau de las bestiarias, qu'es criminau de negar lo cambiament climatic, bota en dangier lo monde entier e las generacions que naissen aura e que son per nàisser: lo mes de julhet 2019 en particular es lo mes lo mai chaud jamai enregistrat per lo monde e en França: https://www.francetvinfo.fr/meteo/climat/juillet-2019-mois-le-plus-chaud-jamais-mesure-dans-le-monde-confirme-une-agence-americaine_3578113.html ; http://www.meteofrance.fr/actualites/74774194-juillet-2019-tres-chaud-et-sec-2e-canicule-exceptionnelle-de-l-ete
Coma pas dubrir los uelhs sus quela realitat????
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari