Actualitats
Aran: preocupan las nombrosas atacas de l’ors Cachou
La mòrt d’una èga dimars passat a Vielha es la quatrena que la causa l’ors aqueste mes de setembre
Après la tièra d’atacas violentas de l’ors Goiat que las patiguèron arunan, la Val d’Aran es chepicada per las atacas de l’ors Cachou, que dimars passat tuèt una cavala de 20 meses près de Vielha. S’agís de la quatrena ataca de Cachou contra l’elevatge del país aqueste mes de setembre.
Dins aquel sens, lo sindic d’Aran, Francés Boya, diguèt que demanariá de manièra “contondenta qu’es protocòus e mesures dera Generalitat [s’adaptèssen] tà poder extrèir deth miei a toti aqueri ossi que [siguessen] conflictius”. Atal, lo govèrn d’Aran sollicitarà del govèrn de Catalonha que las indemnitats pagadas als elevaires sián pus nautas, coma o son en Comenge, e que se transferisca al Conselh General d’Aran las competéncias “en toti es ahèrs qu’an a veir damb era fauna sauvatja entà que [poguen] èster molt mès agils e eficients ara ora de solucionar es problematiques des [sòns] ramadèrs”, çò diguèt lo conselhièr de la gestion environamentala, Francisco Bruna.
Dins aquel sens, lo sindic d’Aran, Francés Boya, diguèt que demanariá de manièra “contondenta qu’es protocòus e mesures dera Generalitat [s’adaptèssen] tà poder extrèir deth miei a toti aqueri ossi que [siguessen] conflictius”. Atal, lo govèrn d’Aran sollicitarà del govèrn de Catalonha que las indemnitats pagadas als elevaires sián pus nautas, coma o son en Comenge, e que se transferisca al Conselh General d’Aran las competéncias “en toti es ahèrs qu’an a veir damb era fauna sauvatja entà que [poguen] èster molt mès agils e eficients ara ora de solucionar es problematiques des [sòns] ramadèrs”, çò diguèt lo conselhièr de la gestion environamentala, Francisco Bruna.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal donar-li de menjar a l'ors en certs punts qu' el sapiga, e non esperar qu' estiga afamat e qu' ataque a eguas e a ramats.
Quauquas atacas d'una orsa... una malurosa ega de tuada (zo rancure segur)... mas quant de bèstias tuadas chasque jorn per l'elevatge? 3 milions de bèstias ren mas en un jorn dins lo bon reiaume de França, de las centenas de miliards (bèstias terrestras mai peissons) per lo monde en nonmàs una annada. Totparier, sei pas tant en favor de la reintroduccion de las orsas mas prumier per 'mor que las orsas son pas en securitat que la majoritat dau crestians son incapables de coabitar emb los autres animaus dins queu paubre monde, se comportan sovent dau biais lo mai egemonic que sia. Ieu, me balha pas enveja de rire, l'umor negre siria mai dins l'autre sens quand vesem ço que los umans son capables de destrusir chasque jorn (e tasche mejan de ren obludar: las nosenças sus la biosfera, las bèstias mai los autres umans que son sosmes aus pussents e egoistas de queu monde...). Urosadament, l'i a tanben daus umans mai sensibles que fan ço que poden per melhorar lo monde, lor rende omenatge, mercés per tots los èssers sensibles.
Visca la re introduccion de l'Ors e del Lop !
Cal que l'Òme desparesca de la montanha !
(Es d'umor nègre !)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari