CAPÇALERA PAIS INVISIBLE

Actualitats

InternacionalPoliticaSocietat

Catalonha: arrestacions de militants independentistas per “terrorisme”

Segon la premsa locala, es probable qu’aquelas detencions sián ordenadas per far paur als ciutadans fàcia a l’imminenta publicacion de la senténcia contra los presonièrs politics

S'es començat d'arrestar d’independentistas catalans, aquesta nuèch de dimenge a diluns. Ara per ara, se cofirma la detencion de nòu personas que poirián èsser acusadas de terrorisme. La Gàrdia Civila a procedit a aquelas arrestacions e a una tièra de perquisicions ordenadas per l’Audiéncia Nacionala espanhòla, un tribunal d’excepcion. Segon lo Ministèri de l’Interior espanhòl, los nòu detenguts “preparan d’accions violentas”. Ara son a far de perquisicions per ne trobar las pròvas. Mentretant, i a d’acamps de protèsta e de sosten dins divèrsas carrièras de las vilas dels detenguts.
 
Segon lo ministèri espanhòl e la Gàrdia Civila, aurián detengudas “nòu personas restacadas a de movements independentistas catalans”. Lo comunicat oficial ditz qu’an “confiscat fòrça documents e de material informatic per èsser estudiat e analisat” e tanben qu’an “localizat un abondós material e de substàncias consideradas precursoras per la confeccion d’explosius”.
 
 
De “substàncias consideradas precursoras”
 
Aquelas “substàncias consideradas precursoras per la confeccion d’explosius” son, segon la lei, lo peroxid d’idrogèn, lo nitrometan e l’acid nitric. E mai siá verai que s’utilizan per far d’explosius, son de compausants que podèm trobar dins las tinturas del pel, dins los netejadors de las piscinas, dins lo combustible dels veïculs en miniatura o dins las arts graficas. Segon Vilaweb, l’expression “substàncias precursoras” es dempuèi longtemps mesa en question car dona carta blanca a la polícia per deténer de mond e aplicar sens contraròtle las leis antiterroristas.
 
Las detencions se fan a qualques setmanas de la senténcia publica de la Cort Suprèma espanhòla contra los presonièrs politics catalans, que son una partida del govèrn elegit, la presidenta del Parlament de Catalonha e los presidents de las doas principalas associacions en favor de l’independéncia. Se preven de protèstas massissas quand la senténcia serà coneguda. Per tant, es probable qu’aquelas detencions sián ordenadas per far paur als ciutadans.
 
La Gàrdia Civila a publicat un vidèo que difond l’operacion:
 
 
Xavier Pellicer, Avocat d'Alèrta Solidària parla de 2detenguts politics":
   

Principalas informacions localas:
 
 
 
 
 
 
 
 



 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
4.

Las policias espanholas an paur del que puga pasar per la sentència.

  • 1
  • 0
Abram Auvèrnha
3.

Evidentament quasi degun nen parlèt dinc los jornaus dits nacionaus de França...
Aquela complasença meditica embé quela deriva fascista me fai enveja de bomir !
Dijatz-me si sabètz ente trobar d'accions en linha : peticion o mailing. Granmacés.

  • 13
  • 0
Pitaluga
2.

Tot aquò revèrta l'Alemanha o l'Itàlia de las annadas 30. Se comença criminalitzan l'oposicion e s'acaba amb lo faissisme al poder. Après nos venon amb la sansònha del populisme, se lo mai populistas son eles.
L'afar de "las cloacas de l'Interior" mòstra que la polícia espanhòla pòt aisidament fabricar de falsas pròvas per acusar de mond de delictes qu'an pas comés. Lo testimòni principal del cas, lo comissari Villarejo que vòl pas pagar sol pels autres, a ja dich que se lo trapavan suïcidat es que l'auràn ajudat.
E parlem pas de nombroses processes politics qu'an acabat en pas res. Mas un còp lo mond embrutit, la parròquia nacionalista espanhòla, venguda majoritària, que demanda pas qu'aquò t'o repeta a cada moment. Es pas la pena d'ensajar de ne parlar amb eles, son sords coma de topinas.

  • 16
  • 0
Orwell
1.

Cronica d'una dictatura ordinària…

  • 18
  • 1

Escriu un comentari sus aqueste article