Actualitats
Corbièras: an manifestat a Ròcafòrt e la Pauma contra l’installacion d’una usina de quitran
Los abitants del país crenhon non solament de pollucions e de contrarietats restacadas als transpòrts mas tanben las desfiguracions del païsatge
Environ quatre cents personas manifestèron dimenge passat, 22 de setembre, contra lo projècte d’installacion d’una fabrica de bitum a Ròcafòrt de las Corbièras, en mejançariá amb la de La Pauma (Fitor), çò rapòrta L’Indépendant. Demest los manifestants i aviá una delegacion occitanista amb de representants de Bastir Occitània e de País Nòstre.
Los abitants de l’airal cranhon non solament de pollucions e de contrarietats restacadas als transpòrts mas tanben las desfiguracions del païsatge, mai que mai los vinhairons e los professionals del torisme. De soslinhar que los agricultors de l’endrech son de mai en mai bio.
Es previst que uèi a 18h30 lo conselh municipal de Ròcafòrt de las Corbièras manifèste son refús de l’installacion de l’usina, coma ja o faguèt la Pauma. Una enquèsta publica es dobèrta dins las doas comunas fins al 7 d'octòbre e una peticion es lançada sus change.org.
Dins l’estiu de l’an passat, la mobilizacion populara arribèt ja de cabussar un projècte similar a Ferrals e Lesinhan de las Corbièras.
Los abitants de l’airal cranhon non solament de pollucions e de contrarietats restacadas als transpòrts mas tanben las desfiguracions del païsatge, mai que mai los vinhairons e los professionals del torisme. De soslinhar que los agricultors de l’endrech son de mai en mai bio.
Es previst que uèi a 18h30 lo conselh municipal de Ròcafòrt de las Corbièras manifèste son refús de l’installacion de l’usina, coma ja o faguèt la Pauma. Una enquèsta publica es dobèrta dins las doas comunas fins al 7 d'octòbre e una peticion es lançada sus change.org.
Dins l’estiu de l’an passat, la mobilizacion populara arribèt ja de cabussar un projècte similar a Ferrals e Lesinhan de las Corbièras.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lengadòc es lo cagador de l'exagòn. Salsinhas, AZF, Malvesin... A Besièrs, temps a, volián metre una usina classificada "Seveso"... E ara una industria de mèrda. E que nos vengan pas amb l'arbre qu'amaga lo bòsc: se i a Airbus es perque i aguèt Latecoèira, siquenon Airbus jamai seriá pas vengut a Tolosa.
Quand se mainaràn los occitans que son pas que de ciutadans de segonda, s'es pas de tresena classa? Quand daissaràn de badar los que los espleitan? Quand se decidiràn, non pas a romegar per tal o tal projècte, mas a prene lor detin comun en man?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari