Actualitats
La fusion de las regions de França a portat mai de despensas
La Nòva Aquitània e la region qu’a pres lo nom d’Occitània son entre las pus degalhièras del temps qu’Auvèrnhe-Ròse-Alps es una de las tres qu’an pas aumentat lors despensas
La nòva division regionala de l’estat francés, en vigor dempuèi lo 1r de genièr de 2016, a pas fach las economias anonciadas. Se publiquèt lo 24 de setembre passat l’analisi de las finanças de la Cort dels comptes, e lo bilanç n’es pas bon.
Solament tres regions an demesit lors despensas: son Auvèrnhe-Ròse-Alps, l’Illa de França e los Nauts de França. Las autras an montat lors despensas de foncionament, mai que mai a causa de las remuneracions e dels còstes per desplaçaments. La Nòva Aquitània e la region sonada Occitània son entre las pus degalhièras, çò rapòrta France 3.
De son costat, la presidenta de la region, Carole Delga, a nuançat dins un comunicat per dire que lo factor màger que fa pojar las despensas de la region es lo Fons Europèu Agricòla pel Desvolopament Rural (FEADÈR). La region a servat aquel finançament dins son budget principal del temps que d’autras regions lo comptan pas. E mai precisa que la region es la primièra en tèrmes d’investiments.
Lo grand degalhatge
Ça que la, en novembre de l’an passat, France Info publiquèt una enquèsta facha per la jornalista Cecila Hautefeuille que demostrava que la reforma de las regions, pensada en 2015 oficialament per far d’estalvis, seriá un grand degalhatge. Lo document, entitolat “Lo grand degalhatge de la fusion de las regions“, mostrava una pojada dels còstes de locacion de salas per las reünions, de despensas de desplaçaments qu’espetan, de primas dels agents que creisson... Segon aquela enquista, la region qu’a pres lo nom d’Occitània seriá la segonda pus granda de l’estat francés, ont lo còst per abitant es lo pus naut.
Solament tres regions an demesit lors despensas: son Auvèrnhe-Ròse-Alps, l’Illa de França e los Nauts de França. Las autras an montat lors despensas de foncionament, mai que mai a causa de las remuneracions e dels còstes per desplaçaments. La Nòva Aquitània e la region sonada Occitània son entre las pus degalhièras, çò rapòrta France 3.
De son costat, la presidenta de la region, Carole Delga, a nuançat dins un comunicat per dire que lo factor màger que fa pojar las despensas de la region es lo Fons Europèu Agricòla pel Desvolopament Rural (FEADÈR). La region a servat aquel finançament dins son budget principal del temps que d’autras regions lo comptan pas. E mai precisa que la region es la primièra en tèrmes d’investiments.
Lo grand degalhatge
Ça que la, en novembre de l’an passat, France Info publiquèt una enquèsta facha per la jornalista Cecila Hautefeuille que demostrava que la reforma de las regions, pensada en 2015 oficialament per far d’estalvis, seriá un grand degalhatge. Lo document, entitolat “Lo grand degalhatge de la fusion de las regions“, mostrava una pojada dels còstes de locacion de salas per las reünions, de despensas de desplaçaments qu’espetan, de primas dels agents que creisson... Segon aquela enquista, la region qu’a pres lo nom d’Occitània seriá la segonda pus granda de l’estat francés, ont lo còst per abitant es lo pus naut.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquelas fusions de regions foguèron engimbradas per l'esquèrra dins una toca purament electoralista. S'agissia pas, coma aquo foguèt dich oficialament, de far d'estalvis o de donar un semblant de poder (fermament contarotlat per Paris, cal pas somiar !) a d'entitats regionalas. S'agissia tot simplament d'una astucia per contrar la drecha e l'extrema drecha, e res de mai. Cambiar las reglas del joc al mitan de la partida, en retalhant e recatant d'un biais desparrièr las cartas e pions que son los recampaments de departaments franceses. (Departaments que, o-cal remembrar foguèron fabricats per Paris per melhor afortir son poder e son contarotla subre "sa"proprietat ). La cola Hollande-Hamon-Manolo Valls s'es mainada de retalhar aqueles recampaments de departaments lèu-lèu e a la ussarda sens se socitar, aquo vai de se, del vejaire dels estatjants que de tota mena comptan per pas res dins aquel Monopoly. L'esquèrra desfacha, aquela astucia esterlucanta censada la far ganhar avia pas pus luoc d'èsser. Es plan atal qu'o dèu pensar lo centralista psico-rigida qu'es Macron. De tota mena aquel oximoron ( oximoron ? = de fuoc que crema pas, de plueja que molha pas..eca..) que constituis una regionalizacion jacobina, en clar una decentralizacion dins un encastre ipercentralizaire, podia pas que quincanèlar e degalhar un fais d'argent. Pas grèu, los colhons de "citoyens" que sem son aqui per pagar.
I a pas de qué èsser estonat :
President d'esquèrra
Projecte de cap de biais necessari
Botat en plaça per l'esquèrra
Entolhat per l'esquérra.
Es una pachacada....de l'esquèrra, una de mai...
L'esquèrra emplega plan mal l'argent.....dels autres.
E coma de costuma lo sòcialisme s'atanca quora los autres an pus d'argent
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari