Actualitats
Lo Congrès dels Estats Units comença un procès de destitucion de Donald Trump
La presidenta del Congrès anóncia qu'ensajaràn l’impeachment après las revelacions sus las pressions sul govèrn d'Ucraïna
Lo Congrès dels Estats Units a amodat una enquista preliminara que pòt menar a un procès de destitucion de Donald Trump. O anoncièt dimars la presidenta de la Cambra dels Representants, Nancy Pelosi. Es la responsa a l’escàndol suscitat per las pressions de Trump sul president d’Ucraïna per que denoncièsse per corrupcion lo filh de Joe Biden, lo principal candidat del Partit Democrata e èx-vicepresident jos la presidéncia de Barack Obama. Pelosi a dich que las manòbras de Trump per empachar lo Congrès de saber los detalhs de l’operacion e l’usatge d’un poder estrangièr per intervenir dins la politica interiora son doas violacions grèvas de la Constitucion que meritarián de lo retirar del poder.
Una procedura extraordinària
Seguirà una procedura constitucionala nomenada impeachment. Se tracta d’una procedura extraordinàriament complicada amb la quala lo parlament dels Estats Units pòt destituir lo president. Ara lo Congrès es a dobrir una enquista qu’i participaràn los principals comitats de la cambra, per determinar se lo president quichèt lo president d’Ucraïna, en lo menaçant de li levar d'ajudas se l’ajudava pas a acusar lo filh de Biden, e s’ocultèt totas aquelas manòbras al Congrès. Quand l’enquista serà acabada, lo Congrès votarà se se realiza l’impeachment. La decision s’aprovarà se la mitat mai un dels membres de la cambra (que n'a 435) i vòtan en favor. A l'ora d'ara, los democratas an pro de majoritat per ganhar aquel vòte, perque lo quite Trump reconeguèt publicament sas pressions sul president ucraïnés.
Se lo Congrès vòta en favor de l’impeachment, alavetz lo Senat se constituirà en tribunal, jos la presidéncia del president de la Cort suprèma, e se farà un jutjament del president. En cas que 67 senators votèn en favor de la destitucion, Trump deuriá quitar l'Ostal Blanc e seriá remplaçat pel vicepresident. A l'ora d'ara, al Senat i a 53 republicans, 45 democratas e dos independents, de sòrta qu’almens 22 senators republicans deurián votar contra lor president.
L’impeachment es un procès absoludament extraordinari e, de fach, als Estats Units cap d’eles es pas arribat a la fin. Richard Nixon demissionèt quand constatèt que lo Senat èra lèst per votar de lo destituir a causa de l’escàndol del Watergate. En mai de Nixon, dos autres presidents foguèron la buta d’aquela procedura: Andrew Johnson, en 1868, e Bill Clinton en 1998. Los dos foguèron innocentats pel Senat.
Las manòbras de Trump
Segon The Washington Post, qu'o revelèt pel primièr còp lo 18 de setembre passat, Donald Trump demandèt al president d’Ucraïna de dobrir d'enquistas sus Hunter Biden, lo filh de Joe Biden, èx-vicepresident e candidat democrata a las eleccions presidencialas de l’an que ven. Atal, Trump fasiá un usatge potencialament perilhós de la foncion presidenciala amb de tòcas politicas.
Un membre dels servicis secrets estatsunidencs alertèt d’aqueles contactes al començament d’agost e denoncièt las convèrsas a l’inspector general de l’Intelligéncia Nacionala, Michael Atkinson. Atkinson, nomenat per Donald Trump en 2018, considerèt que l’accion del president èra pro alarmanta e qu'o caliá raportar al Congrès. Mas alavetz lo director en foncions de l’Intelligéncia Nacionala, Joseph Maguire, s’i opausèt, amb lo sosten del Departament de la Justícia. Cridat a declarar pel Comitat d’Intelligéncia de la Cambra dels Representants, dijòus passat 19 de setembre, Michael Atkinson mantenguèt lo silenci a las instàncias de son autoritat de contraròtle, e los parlamentaris considerèron qu’aquò èra un assag d’ocultacion.
Dempuèi qualques meses, Donald Trump assaja de demandar a las autoritats ucraïnesas que reprengan una enquista que poiriá portar tòrt al possible candidat democrata Joe Biden. Son filh, Hunter Biden, arribèt en 2014 al conselh d’adminstracion d’una societat privada de gas quand son paire Joe èra vicepresident. A mai, l’enquista poiriá demostrar d’eventuals ligams entre de foncionaris de l’administracion ucraïnesa e d’emissaris del Partit Democrata. Aqueles ligams son los qu’aurián revelat la frauda fiscala e bancària per la quala foguèt condemnat Paul Manafort, director de campanha de Trump e consultant politic en Ucraïna.
Una procedura extraordinària
Seguirà una procedura constitucionala nomenada impeachment. Se tracta d’una procedura extraordinàriament complicada amb la quala lo parlament dels Estats Units pòt destituir lo president. Ara lo Congrès es a dobrir una enquista qu’i participaràn los principals comitats de la cambra, per determinar se lo president quichèt lo president d’Ucraïna, en lo menaçant de li levar d'ajudas se l’ajudava pas a acusar lo filh de Biden, e s’ocultèt totas aquelas manòbras al Congrès. Quand l’enquista serà acabada, lo Congrès votarà se se realiza l’impeachment. La decision s’aprovarà se la mitat mai un dels membres de la cambra (que n'a 435) i vòtan en favor. A l'ora d'ara, los democratas an pro de majoritat per ganhar aquel vòte, perque lo quite Trump reconeguèt publicament sas pressions sul president ucraïnés.
Se lo Congrès vòta en favor de l’impeachment, alavetz lo Senat se constituirà en tribunal, jos la presidéncia del president de la Cort suprèma, e se farà un jutjament del president. En cas que 67 senators votèn en favor de la destitucion, Trump deuriá quitar l'Ostal Blanc e seriá remplaçat pel vicepresident. A l'ora d'ara, al Senat i a 53 republicans, 45 democratas e dos independents, de sòrta qu’almens 22 senators republicans deurián votar contra lor president.
L’impeachment es un procès absoludament extraordinari e, de fach, als Estats Units cap d’eles es pas arribat a la fin. Richard Nixon demissionèt quand constatèt que lo Senat èra lèst per votar de lo destituir a causa de l’escàndol del Watergate. En mai de Nixon, dos autres presidents foguèron la buta d’aquela procedura: Andrew Johnson, en 1868, e Bill Clinton en 1998. Los dos foguèron innocentats pel Senat.
Las manòbras de Trump
Segon The Washington Post, qu'o revelèt pel primièr còp lo 18 de setembre passat, Donald Trump demandèt al president d’Ucraïna de dobrir d'enquistas sus Hunter Biden, lo filh de Joe Biden, èx-vicepresident e candidat democrata a las eleccions presidencialas de l’an que ven. Atal, Trump fasiá un usatge potencialament perilhós de la foncion presidenciala amb de tòcas politicas.
Un membre dels servicis secrets estatsunidencs alertèt d’aqueles contactes al començament d’agost e denoncièt las convèrsas a l’inspector general de l’Intelligéncia Nacionala, Michael Atkinson. Atkinson, nomenat per Donald Trump en 2018, considerèt que l’accion del president èra pro alarmanta e qu'o caliá raportar al Congrès. Mas alavetz lo director en foncions de l’Intelligéncia Nacionala, Joseph Maguire, s’i opausèt, amb lo sosten del Departament de la Justícia. Cridat a declarar pel Comitat d’Intelligéncia de la Cambra dels Representants, dijòus passat 19 de setembre, Michael Atkinson mantenguèt lo silenci a las instàncias de son autoritat de contraròtle, e los parlamentaris considerèron qu’aquò èra un assag d’ocultacion.
Dempuèi qualques meses, Donald Trump assaja de demandar a las autoritats ucraïnesas que reprengan una enquista que poiriá portar tòrt al possible candidat democrata Joe Biden. Son filh, Hunter Biden, arribèt en 2014 al conselh d’adminstracion d’una societat privada de gas quand son paire Joe èra vicepresident. A mai, l’enquista poiriá demostrar d’eventuals ligams entre de foncionaris de l’administracion ucraïnesa e d’emissaris del Partit Democrata. Aqueles ligams son los qu’aurián revelat la frauda fiscala e bancària per la quala foguèt condemnat Paul Manafort, director de campanha de Trump e consultant politic en Ucraïna.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Somian na Clinton e lo sector mai dretà del partit democrata en derrocar lo president perquè no poden guanhar las eleccions.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari