Actualitats
Bordalés: comença deman lo festenal Mascaret
Del 28 de setembre fins al 9 de novembre l’ochena edicion del festenal prepausa un trentenat d’eveniments amb la tòca de far valer la lenga e la cultura occitanas dins l’encontrada
Comença deman lo festenal Mascaret de Bordèu. L’eveniment prepausa fins al 9 de novembre un trentenat d’eveniments qu’an per tòca de far valer la lenga e la cultura occitanas en Bordalés e que se tendràn dins divèrsas vilas de l’encontrada.
De soslinhar lo balèti tradicional amb Lo Bal del Lop lo 28 de setembre, de conferéncias com la de François Bouquier sus “Las costumas de Bordèu” lo 1r d’octòbre, l’espectacle de teatre consagrat a Bernat Manciet lo 3 d’octòbre... Tanben i aurà una plaça pels filmes en occitan amb las projeccions d’Au miei de las vacas de Patric La Vau, lo 4 d'octòbre a Peçac, e de Brendan e lo secret de Kells, lo 6 d'octòbre a Cadilhac.
Demest los eveniments se destaca lo mercat occitan que se tendrà lo 19 d’octòbre a Bordèu e que prepausarà tanben una vesita de la vila en occitan. De remarcar tanben la garburada que l’organiza lo 3 de novembre la calandreta de la Dauna en collaboracion amb lo collectiu occitanista de Peçac, l’Estaca.
Per mai d’informacions clicatz aicí.
De soslinhar lo balèti tradicional amb Lo Bal del Lop lo 28 de setembre, de conferéncias com la de François Bouquier sus “Las costumas de Bordèu” lo 1r d’octòbre, l’espectacle de teatre consagrat a Bernat Manciet lo 3 d’octòbre... Tanben i aurà una plaça pels filmes en occitan amb las projeccions d’Au miei de las vacas de Patric La Vau, lo 4 d'octòbre a Peçac, e de Brendan e lo secret de Kells, lo 6 d'octòbre a Cadilhac.
Demest los eveniments se destaca lo mercat occitan que se tendrà lo 19 d’octòbre a Bordèu e que prepausarà tanben una vesita de la vila en occitan. De remarcar tanben la garburada que l’organiza lo 3 de novembre la calandreta de la Dauna en collaboracion amb lo collectiu occitanista de Peçac, l’Estaca.
Per mai d’informacions clicatz aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Visca las festas de Bordèu!: Bordalés. Amb moltas activitat culturals en lengo nostro.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari