Actualitats
Es mòrt Jacques Chirac
Foguèt president de la Republica Francesa entre 1995 e 2007
L’èx-president de la Republica Francesa, Jacques Chirac, moriguèt ièr dijòus a l’edat de 86 ans. O anoncièt son gendre Frédéric Salat-Baroux e, en seguida, l’Assemblada Nacionala francesa tenguèt una minuta de silenci.
Nascut e defuntat dins la capitala francesa, atribuissiá son patronim, aparentat a de localitats occitanas, a la lenga nòstra, “lenga dels trobadors e doncas de la poesia”, e partegèt sa carrièra politica entre París, que ne foguèt cònsol màger, e Lemosin, coma deputat o president del conselh general de Corresa. Primièr ministre entre 1974 e 1976, puèi entre 1986 e 1988, venguèt president de França entre 1995 e 2007. E mai foguèsse conservator, entre 1997 e 2002 deguèt governar en collaboracion amb lo premièr ministre socialista Lionel Jospin. A las eleccions presidencialas de 2002 afrontèt al segond torn l’ultradrechista Jean-Marie Le Pen, çò que portèt l’imatge de mond que lo votèron amb una pinça al nas.
Chirac s’illustrèt en politica internacionala pel refús de s’associar a la guèrra d’Iraq menada per George Bush.
Nascut e defuntat dins la capitala francesa, atribuissiá son patronim, aparentat a de localitats occitanas, a la lenga nòstra, “lenga dels trobadors e doncas de la poesia”, e partegèt sa carrièra politica entre París, que ne foguèt cònsol màger, e Lemosin, coma deputat o president del conselh general de Corresa. Primièr ministre entre 1974 e 1976, puèi entre 1986 e 1988, venguèt president de França entre 1995 e 2007. E mai foguèsse conservator, entre 1997 e 2002 deguèt governar en collaboracion amb lo premièr ministre socialista Lionel Jospin. A las eleccions presidencialas de 2002 afrontèt al segond torn l’ultradrechista Jean-Marie Le Pen, çò que portèt l’imatge de mond que lo votèron amb una pinça al nas.
Chirac s’illustrèt en politica internacionala pel refús de s’associar a la guèrra d’Iraq menada per George Bush.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquel òme nos desvirèt de la segonda guèrra d'Irak e coneguèt publicament la responsabilitat de França dins la deportacion dels Josieus, perdèt lo referendum sus la constitucion europèa, saupèt pas far cas dels elegeires qu'avián votat per el al segond torn de 2002 per fugir Le pen, e empachèt la ratificacion de la carta europea de las lengas minoritàrias en sasissent lo Conselh Constitucional.
Aüei que lo Chirac es mòrt, s'auvís de pertot lo mot «plassou» o «plaçon» en linga lemosina brava e qualitosa : daus papierons que la gent li botavan dins las pòchas per aver de las favors quand èra elegit deputat de Corresa, un biais locau de clientalisme... mas d'ente ven vertadierament quela apelacion ? D'una tradicion religiosa que los cresents corresians damandavan de vòts emb daus papierons dins quauque endreit religiós simbolic ? O quaquarren coma quò ? Mercés.
Per lo que dis la croniqueta de la presentacion, del refús a la guerra de l'Irac, per aiçò ja me cau ben. E qu' atribuia son origen a localitats occitanas e a la lenga nostra dels trobadors e doncas de la poesia.
#1 Es a dire qu'amb totas las palhassas que li an succedit tota sa maridèssa es devenguda de qualitats amb lo temps.
Incredible ?
E aquel disia sul ton de l'especialista que son patronim evocava l'aiga, las sòrgas, perque lo "ac" de Chirac (risètz pas ! ) significava "l'eau" en occitan ! Avètz plan legit, en occitan "eau" se ditz "ac" !! De coneissèires coma aquò en latin de cosina te ne tròbi aqui ne vòls aqui n'as ! Mas ara que lo tipe es freg e plan refredit, de l'Obs al Figaro en passant per Libé e Jornalet òm li tròba totas las qualitats.
Coma o-fasia maliciosament arremarcar lo Georges Brassens qu'èra pas nascut de la darrièra pluèja, èl, "les morts sont tous de braves types". Aquel circ lausenjaire e apologetic i aurèm drèch tanben per lo Sarkozy e lo Macron quand passaran a lor torn a la cassairòla.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari