Actualitats
Brussèlas: an portat l’occitan al còr d’Euròpa
La Generalitat de Catalonha, en collaboracion amb lo Conselh General d’Aran e l’ÒPLO, a parlat de la recuperacion de l’occitan a l’ocasion del Jorn Europèu de las Lengas
L’eveniment tenguèt la participacion del ministre de la Generalitat en exili, Lluís Puig, que de Brussèlas estant dirigís lo Programa pel Desvolopament de Projèctes Culturals d’Encastre Internacional. Puig expliquèt las accions per l’occitan qu’an entamenadas lo Conselh General d’Aran e la Generalitat de Catalonha.
La representanta de la Generalitat envèrs l’UE, Meritxell Serret, mandèt un messatge a l’Union Europèa per que las institucions “faguèsson tot çò possible” pel desvolopament de l’occitan.
De “solucions imaginativas” en Aran
Quant a el, lo sindic d’Aran, Francés Boya, diguèt que caliá trobar de “solucions imaginatives” per que la lenga subrevisquèsse a la mondializacion e a la “pèrda de cultura populara”. Dins aquel sens afortiguèt que caliá que “catalans e occitans trabalhèssem amassa”, e tanben “damb totes es lengües que luten entà subreviuer en aguest sègle”. De son costat, la vicesindica d’Aran, Maria Vergés, expliquèt lo prètzfach del govèrn d’Aran amb la Generalitat de Catalonha “entà matier er aranés viu”. Segon Vergés, malgrat los bons resultats dels sondatges, l’aranés es pas pro emplegat dins la vida vidanta.
Recuperacion de l’occitan en Bearn
De son caire, lo director de l’Ofici Public de la Lenga Occitana, Estève Cròs, soslinhèt los resultats positius del darrièr sondatge dels Pirenèus Atlantics que mòstra que i a una recuperacion de la lenga. “La generacion jove emplega mai l’occitan que la generacion mai adulta”, çò diguèt en remarcant qu’èra un “resultat encoratjant”.
Occitània-Euròpa per la promocion de la pluralitat e la diversitat
La session la clavèt Yannick Proto, director de la representacion en Euròpa de la region qu’a pres lo nom d’Occitània, que soslinhèt que la construccion europèa deviá “respectar e promòure la pluralitat e diversitat lingüisticas”.
Qu'auem portat er #occitan tath còr d'Euròpa ena ocasion deth Dia Europèu des Lengües, damb eth @conselharan , er Ofici Public dera Lengua Occitana, e @Catalonia_EU.
— Occitan aranés (@occitan_aranes) September 26, 2019
Enes imatges @LluisPuigGordi, Esteve Cròs e @mariaverges78pic.twitter.com/rOuYADfj6k
Happy European Day of Languages!
— Lluís Puig i Gordi (@LluisPuigGordi) September 26, 2019
Catalan speakers are excluded of the linguistic diversity promoted by European institutions
We are European citizens that speak old European languages. De want Catalana and occitan to be respected in Europe !#EuropeanDayofLanguages2019pic.twitter.com/tjldc58pTf
Eth Sindic e era Vicesindica an participat en acte organizat en Bruseles damb motiu deth Dia Internacionau des Lengües en tot deféner era denominacion d'aranés tara lengua occitana d'Aran atau coma eth besonh de resòler es rèptes qu'era nòsta lengua a entara sua superviuença. pic.twitter.com/tb0tKWLKxd
— Conselh Generau Aran (@conselharan) September 26, 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A Brussèlas, disètz qu'an portat l’occitan al còr d’Euròpa. Mas lo còr d'Euròpa es la banca de Frankfurt am Main, la BCE.
Una presentacion de l'Occitan a Brusel·las es bona, qu'es demane a las autoritats europeas qu' es faci lo possible per ajudar a la lenga d'Oc es positiu, mas cal seguir amb aquesta linia per parlar com es pot ajudar. Cresi que i a moltes maneras d'ajudar la lenga dels trobador: los medias, exigir la cooficialitat, subvencions, TV, radios,ajudas economicas a entitats culturalas.
#3 Aunestament non vei pas tròp tanpòc çò qui l'OPLO averé hèit ençà endà desvolopar lo gascon e l'occitan pr'aquò qu'an ua pièla d'atrunas analitics endà conéisher la situacion. Qu'an publicat ua sintèsi sus la navèra aquitana e l'occitània on s'i pòt léger las chifras de l'occitan pr'aqueths territòris qui deurém tots aver en cap
Estranh de trobar l'OPLO hèit de burocrates en arrepresentacion d'Occitània, ath costat d'arrepresentants esleguits peth pòple catalan e peth pòple occitan d'Aran. L'OPLO n'a pas nada legitimitat tà parlar ath nom deth moviment occitanista e deth pòple occitan. Que mes qu'ei un organisme qui ei a tot james eth tuaire de Vistedit, La Setmana, Plumalhon e Papagai. Que i a associacions occitanistas de terrenh (Calandreta, CFPOC, INOC, La Passem, ...)qui pòden relatar e rebàter miélher era realitat deth tribalh, çò qui avança, çò qui hè arrèrpè e tot çò qui sobra encara. Mes interessent que sondatges.
E non parlèn pas briga deu tribalh de la Navèra-Aquitània?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari