Actualitats
Lo parlament austrian a demandat al govèrn de “convèrsas” amb Itàlia per concedir la dobla nacionalitat a la populacion sud-tirolesa
L’independentisme sud-tirolés saluda la proposicion, mas d’unes critican l’"oportunisme electoral”
Lo Parlament austrian a demandat al govèrn de son país qu’entamene de convèrsas amb los govèrns d’Itàlia e del Sud Tiròl per que los ciutadans sud-tiroleses pòscan accedir a la dobla nacionalitat italiana e austriana.
La peticion ten lo sosten, dempuèi d’annadas, dels partits autonomistas e independentistas del Sud-Tiròl, una província autonòma d’Itàlia majoritàriament germanofòna que faguèt partida d’Àustria fins a 1918.
Los partits independentistas sud-tiroleses an saludat la proposicion, segon la quala lo govèrn austrian deu entamenar de convèrsas amb Itàlia per acordar de quin biais se poiriá estendre la dobla nacionalitat al sud-tiroleses.
Segon la resolucion aprovada pel Parlament austrian, solament après aquelas convèrsas lo govèrn austrian deuriá presentar una proposicion de lei per poder far efectiva la mesura. La resolucion remembra lo ròtle “protector” d’Àustria devèrs las populacions sud-tirolesas de lenga alemanda e ladina, per çò que las eventualas convèrsas se poirián limitar a aqueles grops.
Mas lo govèrn italian se mòstra dempuèi fòrça annadas contrari a la mesura, e a pas previst d’entamenar cap de negociacion sus aquel subjècte. Roma considèra qu’a pas cap de sens d’autrejar la dobla nacionalitat quand existís la libertat de circulacion dins l’Union Europèa pels ciutadans austrians e italians.
La question provoquèt una crisi bilaterala en 2017 quand lo govèrn austrian anoncièt que voliá concedir lo ciutadanitge al sud-tiroleses de lenga alemanda e ladina qu’o demandèsson. Fin finala, l’executiu austrian faguèt pas avançar la proposicion.
Mancan pas criticas, de l’un costat e de l’autre de la frontièra, segon las qualas la mocion aprovada ara es pas qu’una manòbra electoralista dels dos partits de la drecha austriana que i an sostengut (ÖVP e FPÖ) just abans de las eleccions d’aqueste 29 de setembre, car aqueles partits son los qu’an governat en Àustria, justament, dempuèi 2017.
Aquesta nòva es adaptada de Nationalia, amb qui Jornalet ten un acòrdi de cooperacion.
La peticion ten lo sosten, dempuèi d’annadas, dels partits autonomistas e independentistas del Sud-Tiròl, una província autonòma d’Itàlia majoritàriament germanofòna que faguèt partida d’Àustria fins a 1918.
Los partits independentistas sud-tiroleses an saludat la proposicion, segon la quala lo govèrn austrian deu entamenar de convèrsas amb Itàlia per acordar de quin biais se poiriá estendre la dobla nacionalitat al sud-tiroleses.
Segon la resolucion aprovada pel Parlament austrian, solament après aquelas convèrsas lo govèrn austrian deuriá presentar una proposicion de lei per poder far efectiva la mesura. La resolucion remembra lo ròtle “protector” d’Àustria devèrs las populacions sud-tirolesas de lenga alemanda e ladina, per çò que las eventualas convèrsas se poirián limitar a aqueles grops.
Mas lo govèrn italian se mòstra dempuèi fòrça annadas contrari a la mesura, e a pas previst d’entamenar cap de negociacion sus aquel subjècte. Roma considèra qu’a pas cap de sens d’autrejar la dobla nacionalitat quand existís la libertat de circulacion dins l’Union Europèa pels ciutadans austrians e italians.
La question provoquèt una crisi bilaterala en 2017 quand lo govèrn austrian anoncièt que voliá concedir lo ciutadanitge al sud-tiroleses de lenga alemanda e ladina qu’o demandèsson. Fin finala, l’executiu austrian faguèt pas avançar la proposicion.
Mancan pas criticas, de l’un costat e de l’autre de la frontièra, segon las qualas la mocion aprovada ara es pas qu’una manòbra electoralista dels dos partits de la drecha austriana que i an sostengut (ÖVP e FPÖ) just abans de las eleccions d’aqueste 29 de setembre, car aqueles partits son los qu’an governat en Àustria, justament, dempuèi 2017.
Aquesta nòva es adaptada de Nationalia, amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Està ben perquè segur que son austriacs los del Sud Tirol. Los italians non cresi qu' o vegen amb simpatia, e sustot los fachas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari