Chasing Ice es un filme que seguís los passatges del fotograf James Balog, que dempuèi l’an 2005 percor los paratges d’Artida en documentant amb d’imatges la fonda del glaç a causa del cambiament climatic. Lo documentari (promocional), que foguèt projectat per lo primièr còp divendres passat en Grand Bretanha, compren lo despegament de l’iceberg mai grand que s’es jamai enregistrat amb una camèra (vidèo).
 
S’agís d’una immensa massa de glaç, de 7,4 quilomètres cubics, que se destaca davant las camèras de la còla de filmacion al glacièr Llulissat de Groenlàndia. Après fòrça setmanas d’espèra, la còla foguèt testimòni d’aquel monumental despegament, que se pòt veire en aqueste fragment de vidèo.
 
Chasing Ice es impulsat per l’entitat Co-operative, que lucha per combatre lo cambiament climatic, e explica la mission que s’impausèt James Balog per capturar de pròvas visualas sus l’efièch del calfament de la temperatura de la Tèrra.
 
Justament, al meteis glacièr de Llulissat, s’èra enregistrat un autre vidèo espectaclós. L’estiu passat, una batèl, amb de toristas a bòrd qu’admiravan lo glacièr, foguèt testimòni d’un despegament que generèt una immensa ondada que gaireben faguèt revirar lo vaissèl.