Una femna e un nenet son mòrts a causa d’un incendi que l’a patit lo camp de refugiats de Mòria, dins l’illa de Lèsbos. Lo camp ten una capacitat de 3000 personas mas n’i demòran 12 000 dins de condicions inumanas. Es possible que i aja d’autras victimas d’aquela tragèdia.
 
Lo fuòc comencèt dins lo centre d’aculhença e identificacion, puèi se propagèt per tot lo camp. Vint minutas puèi, comencèt un autre incendi d’un autre barracòt d’aquel meteis centre de detencion que tanben s’espandiguèt rapidament.
 
Lo desespèr dels migrants embarrats davant las flamas derivèt en afrontaments amb la polícia que los reprimiguèt amb de gases lacrimogèns. Mentretant, amortèron lo fuòc amb d’avions e evacuèron lo sit.
 
Los refugiats internats dins de camps en Grècia se tròban dins una situacion insuportabla. Demòran atrapats per de proceduras de demanda d’asil qu’avançan pas, mentre que las organizacion umanitàrias quitan pas de denonciar las condicions inumanas ont vivon.
 
Mentretant, los refugiats arriban de longa dins l’illa grèga de Lèsbos. Dins los darrièrs meses, mai de 32 000 d’eles i son pervenguts, segon l’Organizacion Internacionala per las Migracions (OIM). La majoritat fugisson la guèrra de Siria. Dempuèi lo 1r de genièr passat, almens 38 personas son mòrtas en ensajant d’aténher aquela illa.
 

Almenys una dona i el seu fill moren en un incendi al centre de detenció de refugiats de Lesbos https://t.co/FupnRDc6JW#Moria#Moriacamp#Lesbos#RefugeesGrpic.twitter.com/3DuxiEOLTb

— ARA fotografia (@ARA_fotografia) September 30, 2019

 

Images impressionnantes du camp de réfugiés de #Moria à Lesbos qu’un réfugié afghan m’a transmis hier soir...#greece#Refugeesgrpic.twitter.com/HgJ8Hd2oEq

— Marina Rafenberg (@MarinaRafen) September 30, 2019

 

Terrible news from #Moria on #Lesbos#Greece where the media are reporting that a mother and child have died after a fire broke out. No one can call this an accident! This is the direct result of trapping 13,000 people in a space meant for 3,000! https://t.co/67ohBbtaVw

— MSF Sea (@MSF_Sea) September 29, 2019

Fire, clashes, one dead at crowded Greek migrant camp on #Lesbos,#Moria#Greece
pic.twitter.com/NPvTaSAtTe

— Mete Sohtaoğlu (@metesohtaoglu) September 29, 2019