Actualitats
Armenia: an inaugurat lo temple iazidita pus grand del Mond
Los iaziditas son una minoritat religiosa curda qu’a patit lo grèu genocidi comés per l’Estat islamic
An inaugurat en Armenia lo temple iazidita pus grand del Mond. Se tròba dins la vila d’Aknalich e es estat bastit amb los dons de membres d’aquela comunautat religiosa establits en Russia. Al delà d’un lòc de pregària, lo sit ten tanben un centre cultural, una escòla religiosa, una sala de conferéncias e un musèu.
“Es simbolic e logic que lo temple iazidita pus grand del Mond siá en Armenia. Es lo brèç del pòble iazidita. Los enfants de las personas iaziditas son estats al costat de lors fraires armènis en tot plen d’ocasions fatalas e eroïcas”, çò a dich lo president del parlament armèni, Ararat Mirzoyan, pendent la ceremònia d’inauguracion.
Lo pòble iazidita foguèt victima, en 2014, d’un genocidi en Iraq e Siria de part dels combatents de l’autoproclamat Estat islamic. Se calcula que n’assassinèron cinc milièrs e ne faguèron d'esclavas sexualas mai de dètz mila femnas.
Los iaziditas
Los iaziditas son una minoritat religiosa curda, entre mièg milion e un milion de personas, que profèssan lo iazidisme, una religion pròpria del pòble curd. Foguèt fondat al sègle XII e ten d’influéncias islamicas sofís e zoroastrianas, valent a dire de l’anciana religion dels curds e dels pèrsas, lo zoroastrisme.
Per l’islamisme rigorista, los iaziditas son d’adoraires del diable, pr’amor qu’una de las figuras centralas de lor fe es Melek Taus, un àngel en forma de pavon que tombèt en infèrn. Los iaziditas, totun, destrian Melek Taus del diable, entretant perque segon eles, Melek Taus foguèt perdonat e reabilitat per Dieu e escantiguèt las flamas infernalas.
La montanha de Sinjar es un dels luòcs sagrats dels iaziditas: s’i atròba d’importants santuaris. En defòra de Sinjar, s’atròba de comunautats iaziditas dins d’autras zònas del Curdistan del Sud, en Curdistan Occidental, en Caucàs e dins la diaspòra europèa, en particular en Alemanha.
Lo 73n ensag de genocidi del pòble iazidita
En agost de 2014 publiquèrem una nòva de Jordi Llaonart amb un vidèo que resumís en doas minutas çò que se passa al nòrd d’Iraq. Dins aquel vidèo Fiyan Dakhil, una deputada iazidita del parlament iraquian, demanda ajuda desesperadament a sos collègas arabis. La deputada explica qu’en Iraq i a un pòble qu’agoniza entre las mans de l’Estat Islamic e que sap pas çò que deu far per que lo Mond o qualqu’un lor ajude. Los politicians encargats de prene las decisions, e que l’escotan, espèran que la dòna destorbaira termine son discors e que los daisse en patz.
Dakhil explica als deputats çò que se passa ara meteis a l’entorn de la vila de Sinjar: 500 iaziditas assassinats al crit de “la ilaha illa Allah” —aicí se sentís la renada de desaprobacion de qualques deputats—, de femnas capturadas e vendudas al mercat coma d’esclavas, 30 000 familhas an fugit cap a las montanhas e an quitament pas d’aiga. De fach, 70 enfants son ja mòrts desidratats… 50 vièlhs… “Assassinan mon pòble!”. Ditz que s’es passada la meteissa causa amb los iraquians shiitas, sunnitas, crestians, turcmèns e shabaks.
Mentre que la femna se fond de dolor, lo president del parlament li demanda que se limite a la declaracion pachada. E quand ela acaba son torn, pas res. Lo president de la cambra dona la paraula a la persona seguenta qu’esperava son torn. E tèma barrat e desmembrat.
Ça que la, qu’esperava de capitar aquela femna en s’adreiçant als eiretièrs dels regims e govèrns qu’an perpetrat long de l’istòria fins a 72 ensages d’extermini de la comunautat iazidita?
“Es simbolic e logic que lo temple iazidita pus grand del Mond siá en Armenia. Es lo brèç del pòble iazidita. Los enfants de las personas iaziditas son estats al costat de lors fraires armènis en tot plen d’ocasions fatalas e eroïcas”, çò a dich lo president del parlament armèni, Ararat Mirzoyan, pendent la ceremònia d’inauguracion.
Lo pòble iazidita foguèt victima, en 2014, d’un genocidi en Iraq e Siria de part dels combatents de l’autoproclamat Estat islamic. Se calcula que n’assassinèron cinc milièrs e ne faguèron d'esclavas sexualas mai de dètz mila femnas.
Los iaziditas
Los iaziditas son una minoritat religiosa curda, entre mièg milion e un milion de personas, que profèssan lo iazidisme, una religion pròpria del pòble curd. Foguèt fondat al sègle XII e ten d’influéncias islamicas sofís e zoroastrianas, valent a dire de l’anciana religion dels curds e dels pèrsas, lo zoroastrisme.
Per l’islamisme rigorista, los iaziditas son d’adoraires del diable, pr’amor qu’una de las figuras centralas de lor fe es Melek Taus, un àngel en forma de pavon que tombèt en infèrn. Los iaziditas, totun, destrian Melek Taus del diable, entretant perque segon eles, Melek Taus foguèt perdonat e reabilitat per Dieu e escantiguèt las flamas infernalas.
La montanha de Sinjar es un dels luòcs sagrats dels iaziditas: s’i atròba d’importants santuaris. En defòra de Sinjar, s’atròba de comunautats iaziditas dins d’autras zònas del Curdistan del Sud, en Curdistan Occidental, en Caucàs e dins la diaspòra europèa, en particular en Alemanha.
Lo 73n ensag de genocidi del pòble iazidita
En agost de 2014 publiquèrem una nòva de Jordi Llaonart amb un vidèo que resumís en doas minutas çò que se passa al nòrd d’Iraq. Dins aquel vidèo Fiyan Dakhil, una deputada iazidita del parlament iraquian, demanda ajuda desesperadament a sos collègas arabis. La deputada explica qu’en Iraq i a un pòble qu’agoniza entre las mans de l’Estat Islamic e que sap pas çò que deu far per que lo Mond o qualqu’un lor ajude. Los politicians encargats de prene las decisions, e que l’escotan, espèran que la dòna destorbaira termine son discors e que los daisse en patz.
Dakhil explica als deputats çò que se passa ara meteis a l’entorn de la vila de Sinjar: 500 iaziditas assassinats al crit de “la ilaha illa Allah” —aicí se sentís la renada de desaprobacion de qualques deputats—, de femnas capturadas e vendudas al mercat coma d’esclavas, 30 000 familhas an fugit cap a las montanhas e an quitament pas d’aiga. De fach, 70 enfants son ja mòrts desidratats… 50 vièlhs… “Assassinan mon pòble!”. Ditz que s’es passada la meteissa causa amb los iraquians shiitas, sunnitas, crestians, turcmèns e shabaks.
Mentre que la femna se fond de dolor, lo president del parlament li demanda que se limite a la declaracion pachada. E quand ela acaba son torn, pas res. Lo president de la cambra dona la paraula a la persona seguenta qu’esperava son torn. E tèma barrat e desmembrat.
Ça que la, qu’esperava de capitar aquela femna en s’adreiçant als eiretièrs dels regims e govèrns qu’an perpetrat long de l’istòria fins a 72 ensages d’extermini de la comunautat iazidita?
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"pòble iazidita" me sembla pas èsser l'apellacion que conven. Los iaziditas son una comunautat religiosa, de lenga curda, demèst lo pòble Curde e me sembla que se pòt pas mai parlar de "pòble iazidita" que de "pòble catar".
Al sens contra i a ben en Irac un pòble vertadièr que subís el tanben un genocidi, son los siriaques (o nestorians) crestians de lenga arameana. Lor disparicion coma comunautat religiosa serà tanben la disparicion de lor lenga, un genocidi doblat d'un etnocidi. Mas, sabi pas cossí, sémblan pas gaire interessar los mediàs.
Per ne tornar als iaziditas se compren qu'aquela minoritat pacifista, persecutada coma es, siaga plan aculhida pes Armenians qu'an, eles tanben, tant sofert de las persecucions musulmanas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari