capçalera campanha

Actualitats

InternacionalPoliticaSocietat

Catalonha s’es recordada del 1r d’octòbre de 2017

De nombrosas manifestacions an commemorat lo segond anniversari del referendum d’independéncia menat a bon tèrme malgrat la fòrta repression

De nombrosas manifestacions se son tengudas per tot lo país, dont mai de 50 000 personas a Barcelona
De nombrosas manifestacions se son tengudas per tot lo país, dont mai de 50 000 personas a Barcelona
Catalonha commemorèt ièr lo segond anniversari del 1r d’octòbre de 2017, quand los catalans faguèron lor referendum d’independéncia declarat illegal per l’estat. De remembrar que, malgrat las nombrosas perquisicions e la repression policièra d’aqueles jorns, i aguèt d’urnas e de bulletins de vòte e que, malgrat las nombrosas atacas policièras contra los burèus de vòte, se votèt. La consequéncia d’aquel vòte foguèt una declaracion d’independéncia cancelada per donar de temps a l’estat espanhòl per negociar, mas l’estat convoquèt d’eleccions regionalas, e butèt a l’exili o metèt en prison lo govèrn catalan. Al total, i a ara sètze presonièrs politics catalans. Dins qualques jorns, los jutges prononciaràn lor primièra senténcia, del temps que los collectius ciutadans alestisson d’accions de protèsta.

Lo 1r d’octòbre se remembrèt ièr per las carrièras de las principalas vilas de Catalonha, amb de nombrosas manifestacions.
 
Tanben en Aran s'es recordat que "hè dus ans tanben [defeneren] eth dret d'autoderminacion", çò disiá Taula per Aran en tot soslinhar que lo 1r d'octòbre de 2017 "[votèren] gràcies ath pòble e ara fòrça dera gent". Aquí o an commemorat amb un sopar a la sala de las fèstas de Gausac.
 

Dins la nuèch de diluns a dimars, 131 escalaires placèron 131 lantèrnas sus las cimas de la montanha de Montserrat, que representavan los 131 presidents de la Generalitat de Catalonha. Los imatges son espectacloses.


 
De son caire, lo president de la Generalitat en foncions, Quim Torra, revendiquèt la data del 1r d’octòbre coma la “constitucion del camin inarrestable devèrs la Republica Catalana”, un jorn que foguèt “lutz e libertat e marca lo camin devèrs la democracia”.
 
 
 
 
 
 
 
 



 
abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Franc Bardòu
2.

Tanben en Aran s'es recordat que "hè dus ans tanben [defeneren] eth dret d'autoderminacion deth pòrt dera Bona Aiga dinc'au Bocau de Gironda"…?

  • 0
  • 0
Francesc palma
1.

Avui lo Consell d'Europa ha dit que las manifestacions catalanas havien estat pacificas, e que l'Estat Espanyol avia actuat contra la libertat d'expression. Unas paraulas que lo govern de Pedrito auria de tenir molt present abans de dictar la sentencia del judici dels presos politics catalans.

  • 2
  • 0

Escriu un comentari sus aqueste article