Actualitats
Corrector ortografic occitan per Firefox, Chrome e LibreOffice
Lo CPLO ven de metre en òbra un esplech que permet de verificar l’ortografia en lengadocian o gascon al moment d’escriure un e-mail, un document o un simple messatge
L’occitan ten ara de correctors ortografics en lengadocian e gascon per Firefox, Chrome e LibreOffice. Lo Congrès Permament de la Lenga Occitana (CPLO) ven de los desvolopar amb lo sosten de l’euroregion Nòva Aquitània-Euskadi-Navarra e la fondacion basca Elhuyar.
Amb aquel nau esplech, se pòt verificar l’ortografia al moment d’escriure un e-mail, un document de tèxt o de postar un simple messatge sus un ret social se s’emplega l’editor de tèxtes LibreOffice o ben los navigadors Firefox o Chrome, o quitament lo logicial d’e-mail Thunderbird. Lo corrector verifica l’ortografia d’un còp d’uèlh e prepausa d’alternativas als mots identificats coma erronèus.
Per descargar los correctors e los installar, vesitatz la pagina web https://locongres.org/oc/tribalhs-deu-congres/corrector-ortografic
Nautat de las bèras: descargatz los correctors ortografics occitans deu Congrès! https://t.co/h9RdXtSi7w@occitan_aranes@softcatala@radiopais@radiooccitania@pireneus_radio@octele @cirdoc @institutoccitan@jornalet@Aquodaqui@radiolengadoc@Lo_Diari@RadioWebDuSud#occitanpic.twitter.com/vZpQnyNrLr
— Lo Congrès (@locongres) October 1, 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Illetrisme n'ei pas analfabetisme, que n'ètz la pròva viva. Lo vòste occitan "estandard" n'ei pas qu'un fantasme shens nada basa sociolingüistica solida (sortitz de la tuta, macanica !), e enqüèra mensh consensus de la comunautat scientifica...
E qu'arcastavan aus parisencs de centralisme, vivòsta !
#2 Plan mercés, sabi legir, coma totes los academicians. Mas sonque l'Acedemia Occitana propausa un occitan estandard. Donc çò evocat aicí me sembla plan legitimament fumós, se que non risible…
L'article es pas exactament vertadièr.
Ai un corrector ortografic en occitan sus mon ordenador que ven de https://grammalecte.net/home.php?prj=oc
Amb un sistèma Linux, cal pas que botar un fichièr dins un repertòri e totes los logicials, coma Firefox, pòdon utilizar lo corrector.
Lo corrector que vos parli es jos licéncia liura mentre que lo del Congrès pòt pas èsser melhorat per la comunitat.
En passant, mercegi los autors dels correctors ortografics, liure o non, m'ajudatz fòrça cada jorn a eleminar de decas, mercés Cedric, Bruno e los autres.
#1 Los critèris que son precizats dens l'article... Mes bon, solide, tad ac saber, que caleré clicar e léger purmèr, mes açò...
Non an cap estandard, ni mai non ne vòlon cap : subre quin critèri corregisson ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari