Actualitats
La Cort de Cassacion confirma lo jutjatment contra Sarkozy per l’afar Bygmalion
Ara los jutges deuràn definir la data de començament de las sesilhas
La Cort de Cassacion a refusat lo recors que l’aviá presentat l’èx-president francés, Nicolas Sarkozy, e, per tant, après una longa batalha judiciària, se seirà sul banc dels acusats de l’afar Bygmalion, çò es pel presumit finançament illegal de sa campanha electorala de 2012. En mai de Sarkozy, seràn tanplan jutjadas 13 personas, en majoritat de nauts responsables de son partit, Los Republicans (LR), ancianament nomenat Union per un Movement Popular (UMP).
Per sa campanha electorala de 2012, la còla de Sarkozy despensèt gaireben 43 milions d’èuros e mai lo limit de las despensas foguèsse de 22,5 milions d'èuros. Una part de las despensas s'amaguèron darrièr un complèxe sistèma de falsas facturas, çò que fa sospechar que la despensa globala siá encara pus granda.
Tanben jutjat per “corrupcion” e “trafec d’influéncia”
La Cort de Cassacion aviá ja rebutat, en junh passat, lo darrièr recors de Sarkozy que l’aviá fach per evitar d’èsser jutjat sus un afar de“corrupcion” e “trafec d’influéncia” restacat a l’afar Bettencourt, ont l’èx-president es sospechat de s'èsser servit de son poder per obténer d’informacions privilegiadas.
En aquel cas, Sarkozy es acusat d’aver temptat d’obténer al començament de 2014, via son avocat Thierry Herzog, d’informacions secretas que teniá Gilbert Azibert, alavetz avocat general a la Cort de Cassacion. D'efièch, l’èx-president auriá prepausat a Azibert un pòst prestigiós a Mónegue.
Alavetz, Sarkozy èra mes en examen per abús de la feblesa de Liliane Bettencourt, la nonagenària eiretièra de l’empèri cosmetic L’Oréal. Bettencourt aviá una deméncia mixta e una malautiá d’Alzheimer en un estat moderadament sevèr e la justícia ensajava d’esclarzir se Sarkozy aviá profechat de l’estat de la miliardària e abusat de sa fisança per li traire d’argent destinat a finançar la campanha que lo menèt a l’Elisi en 2007.
En mai d’aquò, Sarkozy es capelat per l’ombra d’autres procèsses, dont l’afar Tapie, l’afar Karachi, los sondatges irregulars, l’afar de las escotas telefonicas e d’afars escurs amb Muammar Al Qadhdhafi.
Per sa campanha electorala de 2012, la còla de Sarkozy despensèt gaireben 43 milions d’èuros e mai lo limit de las despensas foguèsse de 22,5 milions d'èuros. Una part de las despensas s'amaguèron darrièr un complèxe sistèma de falsas facturas, çò que fa sospechar que la despensa globala siá encara pus granda.
Tanben jutjat per “corrupcion” e “trafec d’influéncia”
La Cort de Cassacion aviá ja rebutat, en junh passat, lo darrièr recors de Sarkozy que l’aviá fach per evitar d’èsser jutjat sus un afar de“corrupcion” e “trafec d’influéncia” restacat a l’afar Bettencourt, ont l’èx-president es sospechat de s'èsser servit de son poder per obténer d’informacions privilegiadas.
En aquel cas, Sarkozy es acusat d’aver temptat d’obténer al començament de 2014, via son avocat Thierry Herzog, d’informacions secretas que teniá Gilbert Azibert, alavetz avocat general a la Cort de Cassacion. D'efièch, l’èx-president auriá prepausat a Azibert un pòst prestigiós a Mónegue.
Alavetz, Sarkozy èra mes en examen per abús de la feblesa de Liliane Bettencourt, la nonagenària eiretièra de l’empèri cosmetic L’Oréal. Bettencourt aviá una deméncia mixta e una malautiá d’Alzheimer en un estat moderadament sevèr e la justícia ensajava d’esclarzir se Sarkozy aviá profechat de l’estat de la miliardària e abusat de sa fisança per li traire d’argent destinat a finançar la campanha que lo menèt a l’Elisi en 2007.
En mai d’aquò, Sarkozy es capelat per l’ombra d’autres procèsses, dont l’afar Tapie, l’afar Karachi, los sondatges irregulars, l’afar de las escotas telefonicas e d’afars escurs amb Muammar Al Qadhdhafi.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Bòf, aquò s'acabarà per un non-luòc, coma d'acostuma. Es pas lo Chirac rendut blanc coma nèu e ara en passa d'èsser beatificat que dirà lo contrari ! " Que siaguessètz potents o miserables los jutjaments de cort vos faràn blanc o nègre."
Una mala peça, que s'acostava als rics e banquiers perquè li pagassin sa campanha capitalista de mentides.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari