L’èx-primièr ministre italian, Silvio Berlusconi, se poiriá presentar pas, fin finala, a las eleccions qu’el meteis a forçadas. Après retirar lo sosten a Mario Monti e provocar d’eleccions, l’ancian cap italian a explicat qu’a prepausat a Monti de dirigir una coalicion de moderats.
 
Monti li auriá respondut de non, mas Berlusconi ara ditz qu’el seriá dispausat a retirar la siá candidatura se Mario Monti càmbia d’opinion e dirigís una opcion centrista.
 
“Se cambièsse aquela posicion, que Monti m’a contat en un discors fòrça seriós e prigond, pòdi declarar, per çò que tanh a ieu, qu’auriái pas cap de problèma per retirar la candidatura a la presidéncia del govèrn” çò diguèt Il Cavaliere divendres passat.
 
Ça que la, Berlusconi crei que Monti o farà pas.