Actualitats
Iraq: almens 73 mòrts dins las protèstas contra lo govèrn
Lo país viu dempuèi dimars passat de protèstas massissas contra la marrida situacion economica, lo caumatge e la corrupcion
Iraq viu dempuèi dimars passat de protèstas massissas contra lo govèrn considerat responsable de la marrida situacion economica, del caumatge e de la corrupcion. Aquelas manifestacions tenon, ara per ara, un tragic bilanç d'almens 73 personas mòrtas e mai de tres mila nafradas, segon de donadas publicadas dissabte pel Naut Comissariat d'Iraq pels Dreches Umans, un grop d'observaires umanitaris d’aspècte semioficial. La majoritat dels mòrts son de civils, mas tanben se compta sièis agents de la polícia.
Aquel bilanç aumenta significativament las estimacions que s'èran fachas e se publiquèt qualques oras après que lo primièr ministre d’Iraq, Adl Abd Al Mahdi, aguèt levat lo cobrifuòc impausat dijòus a Bagdad en responsa a las protèstas, mas que sembla totjorn en vigor dins d'autras vilas del país.
Aquela crisi representa l'enjòc pus grand que lo deu afrontar lo primièr ministre, qu'accediguèt al poder l’an passat amb lo sosten dels partits shiitas que governan Iraq dempuèi la casuda de Sadam Hussein en 2003.
Aquel bilanç aumenta significativament las estimacions que s'èran fachas e se publiquèt qualques oras après que lo primièr ministre d’Iraq, Adl Abd Al Mahdi, aguèt levat lo cobrifuòc impausat dijòus a Bagdad en responsa a las protèstas, mas que sembla totjorn en vigor dins d'autras vilas del país.
Aquela crisi representa l'enjòc pus grand que lo deu afrontar lo primièr ministre, qu'accediguèt al poder l’an passat amb lo sosten dels partits shiitas que governan Iraq dempuèi la casuda de Sadam Hussein en 2003.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pertot ont passa lo gendarma del mond, i demòra pas pus qu'un brave pastís, amb d’atemptats, d’assassinats e de mòrts a milierats. Quand vesèm Afganistan e Irac, segur que van daissar un brave pati al Curdistan. E nos podèm preparar a de molonadas de mòrts selos ianquis daissan las mans liuras a Erdogan.
L'invasió criminal de Buch va portar lo país a la ruina e las conseqüencias encara catastroficas duraran per molts d'ans. Lo melhor que podria far Trump es abandonar lo país e sa explotacions ianqu-.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari