capçalera campanha

Actualitats

Internacional

Eqüator: de fòrtas protèstas contra las mesuras governamentalas de liberalizacion

L’anóncia de nòvas mesuras economicas a descadenat l’indignacion populara fins al ponch que lo govèrn a transferit son sèti de Quito a Guayaquil. La cauma generala manten lo país gaireben arrestat

Las protèstas en Eqüator, contra las mesuras de liberalizacion que vòl impausar lo president Lenín Moreno, amb la benediccion de l’FMI, son de mai en mai nombrosas e chepican lo govèrn
Las protèstas en Eqüator, contra las mesuras de liberalizacion que vòl impausar lo president Lenín Moreno, amb la benediccion de l’FMI, son de mai en mai nombrosas e chepican lo govèrn | @midoelmoshagheb
Las protèstas en Eqüator, contra las mesuras de liberalizacion que vòl impausar lo president Lenín Moreno, amb la benediccion de l’FMI, son de mai en mai nombrosas e chepican lo govèrn. L’anóncia de nòvas mesuras economicas a descadenatl’indignacion populara fins al ponch que Moreno a decidit de transferir lo sèti del govèrn de Quito a Guayaquil. La cauma generala manten lo país gaireben arrestat.
 
Demest las mesuras qu’an provocat las protèstas podèm soslinhar la supression de las ajudas pels carburants e la reduccion dels salaris dels emplegats publics temporaris.
 
Dimars passat, de desenats de manifestants indigènas de tot lo país arribèron a Quito e prenguèron l’Assemblada de l’Eqüator après aver franquit lo cordon policièr.
 
 
Diluns, los manifestants avián ocupat lo centre del govèrn de la província de Bolívar, al centre del país.
 
La polícia eqüatoriana a desplegat de tancs e fòrça agents antisuamautas, e an detengudas unes cinc cents personas, acusadas mai que mai de vandalisme.
 
Lo vicepresident, Otto Sonnenholzner, a acusat l’èx-president Rafael Correa d’aver suscitat las protèstas amb l’ajuda del president de Veneçuèla, Nicolás Maduro.
 
De son caire, Lenín Moreno assegura que “los sacatges, lo vandalisme e la violéncia demòstran que se vòl rompre l’òrdre democratic”.

 
 
 
 
 
abonar los amics de Jornalet
Dimars passat, de desenats de manifestants indigènas de tot lo país arribèron a Quito e prenguèron l’Assemblada de l’Eqüator après aver franquit lo cordon policièr
Dimars passat, de desenats de manifestants indigènas de tot lo país arribèron a Quito e prenguèron l’Assemblada de l’Eqüator après aver franquit lo cordon policièr | @LounaRoja

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Pitaluga
3.

Mercé lo FMI! I a pas pus Lagarde mas es tot parièr, perdequé lo-a president-a del FMI es una peteta en mans de la finança e dels GAFA.

  • 3
  • 0
Black Blòc Joe
2.

Subre la primièra fotogafia, me sembla plan reconéisser qualques collègas !…

  • 1
  • 0
francesc palma
1.

Lo president Lenin Moreno no té res a veire amb lo geni de la politica Lenin, mai s'assembla a un director de banca fachista. A la merda !

  • 2
  • 0

Escriu un comentari sus aqueste article