Un dels mai recents presonièrs politics catalans arrestats en setembre passat, Ferran Jolis, a pas pogut encara rescontrar son avocat malgrat que faga tres setmanas qu’es encarcerat près de Madrid. Lo collectiu d’avocats Alèrta Solidària a denonciat aquela situacion e exigís que s’assigne enfin un avocat a Jolis. “Avèm presentat d’escriches, de denóncias al poder judiciari, avèm telefonat cada jorn, mas cap de responsa”, çò planhon.
 
En mai d’aquò, lo detengut se tròba dins una cellula sens lum ni lutz e lo fan anar al refectòri al darrièr torn, çò qu’a damatjat grèvament sa santat mentala, çò a denonciat l’oncle de Jordi Ros, un autre dels presonièrs.
 
Alèrta Solidària a tanben deplorat que, en mai de las restriccions genericas implicadas per l’inclusion dels detenguts dins un regim especial antiterrorista, lor ajan impausat lo limit de poder mandar solament doas letras per setmana e lor temps de pati siá  de solament tres oras. “Aquò vòl dire que la persona demòra dins sa cellula la rèsta del jorn, quitament pels repaisses”, çò an denonciat. “De privar del drech a l’intimitat, del drech a la socializacion, del drech a poder comunicar, etc. es una violacion flagranta dels dreches de quina persona que siá pel fach d’èsser una persona”.
 
Ferran Jolis, Jordi Ros, Xavier Duch, Eduard Garzón, Xavier Buigas, Germinal Tomas e Alexis Codina los arrestèron lo 23 de setembre passat devèrs 5h del matin dins lors ostals. Lo ministèri public los acusa d'apertenéncia a organizacion terrorista, de téner d’explosius e de conspirar per causar d’atemptats. Las pròvas serián qualque material pirotecnic, d’una còla locala que fa d’espectacles tradicionals, un topin e de produches quimics dels que son normalament a l’ostal. Ça que la, lo jutge rebutèt los arguments dels avocats e diguèt que los encarcerava per evitar que cometèsson d’atemptats terroristas car los detenguts fasián partida d’una organizacion que, segon el, “vòl instaurar la republica catalana de qualque manièra que siá, compresa la violenta”.
 
 
 

‼ Privar del dret a la intimitat, dret a la sociabilització, dret a poder-se comunicar, etc. suposa una vulneració flagrant dels drets que qualsevol persona té pel mer fet de ser persona.

— Alerta Solidària (@AlertaSolidaria) October 12, 2019

 

La situació del Ferran dels #Detingudes23S és deseperada, PORTA 20 DIES SENSE PODER PARLAR AMB EL SEU ADVOCAT, sense llum a la cel•la.És el darrer en arribar al menjador i només li queden les sobres. Està perturbat. És sanitari i repeteix "jo salvo vides"https://t.co/haAEmiqWml

— David Ros (@EconomRosDavid) October 13, 2019