Actualitats
Escòcia demandarà lèu al Reialme Unit de far son segond referendum d’independéncia
Nicola Sturgeon a previst de demandar a Boris Johnson d’activar l’article 30 de la lei d’autonomia escocesa, per rendrepossible lo vòte
La primièra ministra d’Escòcia, Nicola Sturgeon, a previst de demandar a Boris Johnson d’activar l’article 30 de la lei d’autonomia escocesa, lo mecanisme per far venir possible un segond referendum d’independéncia (coma se passèt amb lo de 2014). “Siá possiblament dins las setmanas avenidoiras. Serà lèu”, çò a dich dins una entrevista per la television BBC. S’aguèsse lo consentiment del govèrn britanic, qu’a manifestat fins ara l’oposicion a aquela possibilitat, lo referendum se fariá dins la segonda mitat de 2020.
Aquela decision Sturgeon l’a presa après que comencèt l’instabilitat politica a la Cambra de las Comunas de Westminster, ont lo primièr ministre britanic a pas pro de majoritat per forçar la sortida del Reialme Unit. Ela es del vejaire que cal fòrabandir Johnson amb una mocion de censura. Pasmens, a declarat que los parlamentaris de l’SNP sostendrián solament lo cap trabalhista Jeremy Corbyn se s’engatgèsse a un segond referendum d’independéncia.
Lo darrièr sondatge soslinha que lo sosten a l’independéncia arriba al 50% —cinc ponches percentuals de mai que lo sondatge precedent—, amb una majoritat que crei que l’economia escocesa seriá melhora dins una Escòcia independenta que dins lo Reialme Unit après lo Brexit.
Refusa un plan B per far l’independéncia
Qualques deputats de son partit, lo Partit Nacional Escocés (SNP segon sa sigla en anglés), demandan a Sturgeon un plan alternatiu, per assegurar una majoritat parlamentària après de nòvas eleccions o per organizar un referendum sens la permission de Londres.
Una possibilitat que la primièra ministra escocesa refusa. “Avèm pas de parlar d’un plan B perque avèm ja un plan A”, çò a assolidat. E a avertit qu’un referendum non reconegut auriá pas “lo pes legal, politic e diplomatic de besonh”.
Aquela decision Sturgeon l’a presa après que comencèt l’instabilitat politica a la Cambra de las Comunas de Westminster, ont lo primièr ministre britanic a pas pro de majoritat per forçar la sortida del Reialme Unit. Ela es del vejaire que cal fòrabandir Johnson amb una mocion de censura. Pasmens, a declarat que los parlamentaris de l’SNP sostendrián solament lo cap trabalhista Jeremy Corbyn se s’engatgèsse a un segond referendum d’independéncia.
Lo darrièr sondatge soslinha que lo sosten a l’independéncia arriba al 50% —cinc ponches percentuals de mai que lo sondatge precedent—, amb una majoritat que crei que l’economia escocesa seriá melhora dins una Escòcia independenta que dins lo Reialme Unit après lo Brexit.
Refusa un plan B per far l’independéncia
Qualques deputats de son partit, lo Partit Nacional Escocés (SNP segon sa sigla en anglés), demandan a Sturgeon un plan alternatiu, per assegurar una majoritat parlamentària après de nòvas eleccions o per organizar un referendum sens la permission de Londres.
Una possibilitat que la primièra ministra escocesa refusa. “Avèm pas de parlar d’un plan B perque avèm ja un plan A”, çò a assolidat. E a avertit qu’un referendum non reconegut auriá pas “lo pes legal, politic e diplomatic de besonh”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mercès a Nicola Sturgeon e d'Escocia per estat sempre a favor de Catalunha. Sempre nos en sovendrem.
Esperam una novèla leiçon de democràcia de la part d'escoceses e britanics. I a de mond que n'an besonh, quitament dins l'Exagòn.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari