Actualitats
Rugbi de XIII: los Sants assucan los Diables
La SuperLiga de 2019 es acabada. Plaça ara a un mes d’octobre jol signe de l’internacional amb aquesta fin de setmana una Copa del monde de rugbi a 9
Alan Roch
Super-Liga: Sant-Helens campion
Aqueste còp, sus la pelena d’sld Traffòrd, Sant-Helens a sauput èsser mèstre de la partida fàcia a una volontaira e jogaira formacion de Salfòrd. Lo primièr Knowles marcava entre los pals al cap d’un quart d’ora de jòc e l’arrièr Coote transformava. Una combinason sul costat tampat en sortida de mesclanha mandava l’ancian Dragon Zeb Taïa darrèr la linha. Salfòrd repreniá vam e marcava pel centre Biby abans la pausa: 12-6 pels Sants.
Mas dins lo segond temps, Sant-Helens daissèt gaire d’esper als Diables roges: lo centre Percival marcava un ensag personal aprèp una mena de grand pont a ras de pelena. Salfòrd perdiá lo fial de la partida: encaissava doas penalitats e, per faire bona mesura, un tombat dels 40 m de l’alièr Makinson. 23-6 marca finala.
Sant-Helens clava atal una sason ont dominèt larjament la competicion, manquèt solament la finala de la Cup que se trapa cò dels Lops de warrington. Perdèron tanben a Brutús dins un temps ont los Catalans se vesián per aqueste dissabte a Òld Traffòrd. Bon, anam pas contunhar de plorinejar... L’entraianire Justin Holbrook pòt dintrar tot fièr en Australia per assegurar l’entrainament dels Titans de la Costièra d’Aur.
Cò de las femininas, aprèp aver batut Castlefòrd en finala de la Cup, la formacion de Leeds a tornat batre las Tigrèssas 20-12 pel trofèu de la SuperLiga.
Tristesa pels telespectators occitans e catalans: BeInSpòrt difusava sa darrièar partida de SuperLiga. LosDragons son en cèrca d’un difuseire oper alsason venenta.
Los Blaus a Paramattà
L’equipa de França a pres l’avion aqueste dimenge de matin a Barcelona, direccion Sydney e Paramattà ont divendres et dissabte se debanarà la primièra Copa del Monde de rugbi de 9. Las partidas son cortas, un tengut de mens autorizat e cal córrer, córrer e córrer. Los Blaus son dins la pola d’Anglatèrra, Galas e Liban.
Quand lo Primlièr Ministre se fa portaire d’aiga
L’equipa B dels Kangorós a per nom: l’equipa del Primièr Ministre. En desplaçament a Fidji, ont ganhèt 52-10, agèron un portaire d’aiga de prilmèra: lo primièr ministre autstalian en persona. Demòra a esperar als Blaus de veire lo Macron o lo Philippe lor i faire passar las cantinas d’aiga!
Elèit-2: Baó aima pas los derbis
En Elèit-2, se jogava la tresena jornada de campionat. Lo campion Baó qu’aviá perdut cò de Pià al primièr torn se fa batre sus sa pelena per Illa: 16-22 https://treizemondial.fr/baho-perd-un-deuxieme-derby-contre-ille/ . Vilafranca de Roèrgue signa sa tresena victòria: 14-10 a Pià https://treizemondial.fr/baho-perd-un-deuxieme-derby-contre-ille/ .
Aquesta dimenjada, plaça al 1èr torn de la Copa Aillères (espròva per las formacions d’Elèit-2) amb las partidas: VARL-L’Escura, Illa-Pià e Entraigas-Baó.
Alan Roch
Aqueste còp, sus la pelena d’sld Traffòrd, Sant-Helens a sauput èsser mèstre de la partida fàcia a una volontaira e jogaira formacion de Salfòrd. Lo primièr Knowles marcava entre los pals al cap d’un quart d’ora de jòc e l’arrièr Coote transformava. Una combinason sul costat tampat en sortida de mesclanha mandava l’ancian Dragon Zeb Taïa darrèr la linha. Salfòrd repreniá vam e marcava pel centre Biby abans la pausa: 12-6 pels Sants.
Mas dins lo segond temps, Sant-Helens daissèt gaire d’esper als Diables roges: lo centre Percival marcava un ensag personal aprèp una mena de grand pont a ras de pelena. Salfòrd perdiá lo fial de la partida: encaissava doas penalitats e, per faire bona mesura, un tombat dels 40 m de l’alièr Makinson. 23-6 marca finala.
Sant-Helens clava atal una sason ont dominèt larjament la competicion, manquèt solament la finala de la Cup que se trapa cò dels Lops de warrington. Perdèron tanben a Brutús dins un temps ont los Catalans se vesián per aqueste dissabte a Òld Traffòrd. Bon, anam pas contunhar de plorinejar... L’entraianire Justin Holbrook pòt dintrar tot fièr en Australia per assegurar l’entrainament dels Titans de la Costièra d’Aur.
Cò de las femininas, aprèp aver batut Castlefòrd en finala de la Cup, la formacion de Leeds a tornat batre las Tigrèssas 20-12 pel trofèu de la SuperLiga.
Tristesa pels telespectators occitans e catalans: BeInSpòrt difusava sa darrièar partida de SuperLiga. LosDragons son en cèrca d’un difuseire oper alsason venenta.
Los Blaus a Paramattà
L’equipa de França a pres l’avion aqueste dimenge de matin a Barcelona, direccion Sydney e Paramattà ont divendres et dissabte se debanarà la primièra Copa del Monde de rugbi de 9. Las partidas son cortas, un tengut de mens autorizat e cal córrer, córrer e córrer. Los Blaus son dins la pola d’Anglatèrra, Galas e Liban.
Quand lo Primlièr Ministre se fa portaire d’aiga
L’equipa B dels Kangorós a per nom: l’equipa del Primièr Ministre. En desplaçament a Fidji, ont ganhèt 52-10, agèron un portaire d’aiga de prilmèra: lo primièr ministre autstalian en persona. Demòra a esperar als Blaus de veire lo Macron o lo Philippe lor i faire passar las cantinas d’aiga!
Elèit-2: Baó aima pas los derbis
En Elèit-2, se jogava la tresena jornada de campionat. Lo campion Baó qu’aviá perdut cò de Pià al primièr torn se fa batre sus sa pelena per Illa: 16-22 https://treizemondial.fr/baho-perd-un-deuxieme-derby-contre-ille/ . Vilafranca de Roèrgue signa sa tresena victòria: 14-10 a Pià https://treizemondial.fr/baho-perd-un-deuxieme-derby-contre-ille/ .
Aquesta dimenjada, plaça al 1èr torn de la Copa Aillères (espròva per las formacions d’Elèit-2) amb las partidas: VARL-L’Escura, Illa-Pià e Entraigas-Baó.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari