Actualitats
Resultat de l’ultima seleccion per lu quatre noms de li tribunas dau futur estadi de Niça “Allianz Riviera”
Zo, es fach. Una jurada, compauada de Cristian Estrosi lo Cònsol de Niça, de Joan-Peire Rivère lo President de “l’Olympique Gymnaste Club Nice- Côte d’Azur” (OGCN sonat correntament “lo Gim”) e de representants dei ròdols de suportaires, a rendut son verdict vendres 14 de decembre per lo nom de li quatre tribunas dau futur estadi de Niça, “l’Allianz Riviera” dessenhat per l’arquitècte Joan-Miquèu Wilmotte. Se sonaràn “Garibaldi”, “Ségurane” (en francés), “Ray” (en francés) e “Sud”. Porràn aculhir fins a un total de 45 000 espectators e seran pintadi dei colors oficials de l’equipa que son lo roge e lo negre. Li tribunas nòrd e sud seràn retractablas, permetant de passar d’una configuracion de balon a una configuracion de rugbi. Situat au ras de l’autovia, l’estadi serà situat en mitan dau plan de Var, dins l’actual quartier agricòle de Sant Isidòro.
Aquelu quatre noms siguèron donats en aumenatge respectius a:
Non dobtam que, a un moment ò un autre, sortirà un libre sus l’estadi, la bastison, li siu tribunas, etc. Esperam que l’occitanitat d’aquelu que fan viure l’estadi serà pas escafada.
Laurenç Revèst
Aquelu quatre noms siguèron donats en aumenatge respectius a:
Jausèp Garibaldi, naissut lo 4 de julhet dau 1807 a Niça, “l’Eròi dei doi mondes” tant famós en li Amèricas (Brasil, Argentina...) qu’en Euròpa (Itàlia, França...), siguèt sempre estacat a la siu vila e au niçard que parlèt tot de lòng de sa vida (n’avem ja parlat dins una opinion). Lo ligam entre la cultura occitana niçarda de la vila e Garibaldi es fòrt e, lo monde esportiu l’adoptèt i a de temps ja. Citam per exemple la chorma “Garibaldi Football Club” inscricha en Federacion esportiva e gimnica dau trabalh (FSGT),
Catarina Segurana -segon la tradicion d’acòrdi en genre dau nom de familha- ò Catarina Seguran, frema dau pòble, bugadiera niçarda, viuguèt au sègle XVI. Emblèma de la resistença de Contea de Niça còntra li diversi invasions francesi –predecessora feminina de l’image de resistença populària dei Barbets en Gavotina de Contea-, s’illustrèt dau temps de l’assèti de Niça de 1543. Èra una tentativa de Francés 1r de Valois (rei de França) per anexar la Contea de Niça (provinça dei Estats de Savòia) au siu reiaume. Segurana participèt a la bastèsta que veguèt lo fracàs de li tropas de l’armada francesa e dei siu aligats-mercenaris turcos. Per nòta, cau signalar que despí un desenau d’ans de corrents politics imperialistas francés cèrcan de recuperar l’icòna de Segurana coma eroïna de la “cultura dau terraire local” en escafant l’istòria e en n’en faire solament una eroïna anti- turca e anti-imigracion musulmana,
Rai (“Ray” en francés, mas quitament prononçat a l’occitana), en referença au nom dau quartier dont si tròba l’estadi Léo-Lagrange (17 415 plaças) sonat correntament “l’estadi dau Rai”. Aqueu nom ven de l’occitan “rai”, designant l’endrech dont raia ò giscla l’aiga, a lo sens pròche d’un autre nom de quartier niçard populari “la raiana/ la riana” (“l’Ariane” en francés),
Sud, a l’encòup en resson de l’identitat meridionala e dau sudisme de l’OGCN, dei siu suportaires qu’emplègan correntament la lenga occitana niçarda sus li bandeiròlas, dins lu siu cants e de la cultura de nòstra region. E mai, en resson dau nom de la famoa “tribuna populària sud” dont se tròba la mai anciana clica de suportaires de l’equipa.
Catarina Segurana -segon la tradicion d’acòrdi en genre dau nom de familha- ò Catarina Seguran, frema dau pòble, bugadiera niçarda, viuguèt au sègle XVI. Emblèma de la resistença de Contea de Niça còntra li diversi invasions francesi –predecessora feminina de l’image de resistença populària dei Barbets en Gavotina de Contea-, s’illustrèt dau temps de l’assèti de Niça de 1543. Èra una tentativa de Francés 1r de Valois (rei de França) per anexar la Contea de Niça (provinça dei Estats de Savòia) au siu reiaume. Segurana participèt a la bastèsta que veguèt lo fracàs de li tropas de l’armada francesa e dei siu aligats-mercenaris turcos. Per nòta, cau signalar que despí un desenau d’ans de corrents politics imperialistas francés cèrcan de recuperar l’icòna de Segurana coma eroïna de la “cultura dau terraire local” en escafant l’istòria e en n’en faire solament una eroïna anti- turca e anti-imigracion musulmana,
Rai (“Ray” en francés, mas quitament prononçat a l’occitana), en referença au nom dau quartier dont si tròba l’estadi Léo-Lagrange (17 415 plaças) sonat correntament “l’estadi dau Rai”. Aqueu nom ven de l’occitan “rai”, designant l’endrech dont raia ò giscla l’aiga, a lo sens pròche d’un autre nom de quartier niçard populari “la raiana/ la riana” (“l’Ariane” en francés),
Sud, a l’encòup en resson de l’identitat meridionala e dau sudisme de l’OGCN, dei siu suportaires qu’emplègan correntament la lenga occitana niçarda sus li bandeiròlas, dins lu siu cants e de la cultura de nòstra region. E mai, en resson dau nom de la famoa “tribuna populària sud” dont se tròba la mai anciana clica de suportaires de l’equipa.
Non dobtam que, a un moment ò un autre, sortirà un libre sus l’estadi, la bastison, li siu tribunas, etc. Esperam que l’occitanitat d’aquelu que fan viure l’estadi serà pas escafada.
Laurenç Revèst
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari