Actualitats
Catalonha: espectaclosa reüssida de la jornada de protèsta per la libertat
Malgrat l’aument de la repression espanhòla, de centenats de milièrs de catalans an seguida la cauma generala e manifestat contra las penas de preson e per l’independéncia
Catalonha coneguèt ièr divendres una jornada istorica de protèsta, marcada pel succès de la revendicacion independentista per la libertat. D’un caire, sembla que la cauma generala foguèt plan seguida, amb lo barrament d’entrepresas coma Seat, de la basilica de La Sagrada Família e de l’opèra del Liceu; se realizèt ansin un arrèst de las activitats del país superior al del 3 d’octòbre de 2017, dos jorns après lo referendum d’independéncia reprimit per l’estat espanhòl. D’autre caire, al Passieg de Gràcia, dins la Ciutat Comtala, de centenats de milièrs de catalans (525 000 segon la polícia barcelonesa), que los avián cridats a de Marchas per la Libertat l’ANC, Òmnium e los Comitats de Defensa de la Republica (CDR), e qu’èran partits a pè de sièis ponches de Catalonha, se jonguèron a 17h per far una enòrma manifestacion que saturèt lo centre de Barcelona e ne paralisèt los accèsses; s’agissiá de protestar contra las senténcias de 9 a 13 ans de preson que ne son victimas nòu personalitats independentistas catalanas, e de demandar lor libertat e la del país. Tre lo matin, d’estradas foguèron barradas per de militants, compresa l’autoestrada AP7 que connècta los estats espanhòl e francés.
Pojada de la repression
Per quant a el, l’estat espanhòl aumenta la repression. En acusant l’independentisme de violéncia, reprimís las manifestacions per mejan de sa polícia, que sos efectius son estats considerablament refortits, mentre que de grops de qualques ultradrechistas dobèrtament faissistas fan en tota impunitat de provocacions per carrièras, en tabasant de còps d’independentistas. L’organizacion Tsunami Democratic, que cèrca la mobilizacion pacifica de la populacion, l’Estat l’acusa de terrorisme e vòl que se faga d’enquistas judiciàrias sus sos dirigents, en assajant de barrar sos sits Internet.
Pojada de la repression
Per quant a el, l’estat espanhòl aumenta la repression. En acusant l’independentisme de violéncia, reprimís las manifestacions per mejan de sa polícia, que sos efectius son estats considerablament refortits, mentre que de grops de qualques ultradrechistas dobèrtament faissistas fan en tota impunitat de provocacions per carrièras, en tabasant de còps d’independentistas. L’organizacion Tsunami Democratic, que cèrca la mobilizacion pacifica de la populacion, l’Estat l’acusa de terrorisme e vòl que se faga d’enquistas judiciàrias sus sos dirigents, en assajant de barrar sos sits Internet.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquesta nueit avem pogut gaudir los democratas de las columnas umanas per Catalunya e tamben per Madrid e Sant Sebastian. La joia e la moral que mos portan aquestas manifestacions son la base de la reussida de la democràcia e lo reconeissament de la nostra nacion. A estat clau la grandiosa manifestacion dels valents de Madrid, que ben segur a vist Pedrito e sa cola de galinas fachas. Lo cuol segur que li a fet bimbolhas.
Malaürosament an pas qu'una sortida: contunhar de manifestar.
Siquenon la granda messorga s'impausarà.
E pas solament en Espanha. En Euròpa tota levat qualques excepcions (Eslovènia, Païses Baltes...).
Se contunhan pas, Euròpa enterrarà los catalans coma es a enterrar sens vergonha los curdes.
Cal pas oblidar que l'Istòria, es lo venceire que l'escriu. Es per aquò que malgrat çò que d'unes pretendon, dins cada païs, l'Istòria es un roman nacional. E sus aquò, lo dels catalans es pas mens legitim que lo`de l'Espanha marcat per la man de fèrre d'Isabèla la Catolica, l'absolutisme dels Borbons e lo franquisme, darrièr avatar totalitari.
Se cal pas estonar de l'actitud vergonhosa de França per qué aquel pais que se ditz "democratic" es classat 32 en de la libertat de la premsa al nivèl mondial ! Cal pas doblidar e Catalunya o doblidarà pas al jorn de l'Indepéndencia...
En França espectaclosa campanha de desinformacion contra la Marxa qu'i es sistematicament desnigrada e criminalizada. Jornals, radios e televisions se fan servilament los messatgièrs de la propaganda centralista del govèrn de Paris. Entre autras absurditats indecentas ausidas ièr, aquesta sus Europe 1 : " Démonstration de FORCE des EXTRÉMISTES catalans . La SOCIÉTÉ catalane plus FRACTURÉE que jamais." E aqueles arlèris te farian creire qu'aquo se sona de jornalism objectiu ? Quina vergonha !
#1
"Benastrucs catalans qu'an dirigents d'aquela categoria. Amb dònas (e òmes) d'aquesta categoria intellectuala e militanta"
e òc, e òc. E coma ac remarcatz: dònas, fòrça dònas e de las mès valentas coma la presidenta actuala de l'ANC o una anciana presidenta de l'ANC, ara a la preson, l'admirabla Carme Forcadell. O la paura Muriel Casals... Sense elas, res seriá pas estat possible.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari