Actualitats
De milièrs de personas an manifestat en Castelhon de la Plana per defendre l’unitat de la lenga catalana
La manifestacion foguèt tanplan una responsa populara a l’atac del govèrn espanhòl contra l’ensenhament en catalan e en occitan
De milièrs de personas manifestèron dissabte en Castelhon de la Plana (Païses Catalans) en commemoracion de l’80n anniversari de las Nòrmas de Castelhon, que representan la reconeissença de l’unitat lingüistica per los intellectuals valencians. La protèsta, seguida per qualques quinze mila personas segon los organizaires, marchava jos l’eslogan “Que te retalhen pas la lenga. Pels dreches lingüistics e socials”, e recebèt lo sosten de gaireben dos cents associacions de defensa de la lenga de totes los Païses Catalans.
S’agís de la primièra protèsta de tot l’airal lingüistic catalan contra l’avantprojècte de lei de l’educacion del ministre espanhòl José Ignacio Wert.
Fa ochanta ans, las principalas institucions culturalas del País Valencian signèron las Nòrmas de Castelhon qu’acceptavan l’unitat lingüistica de la lenga catalana amb tota la siá diversitat. Per commemorar aquel anniversari, se convoquèt la manifestacion, justament dins un moment que la lenga catalana es mai atacada que jamai, del temps qu’es tanplan menaçada l’escòla en occitan en la Val d’Aran. Es per aquò que la manifestacion foguèt tanplan una responsa populara a l’atac del govèrn espanhòl contra l’ensenhament en catalan.
_____
Mai d’informacions sus Vilaweb: “Milers de persones a Castelló en defensa de la unitat de la llengua i contra la reforma de Wert”
S’agís de la primièra protèsta de tot l’airal lingüistic catalan contra l’avantprojècte de lei de l’educacion del ministre espanhòl José Ignacio Wert.
Fa ochanta ans, las principalas institucions culturalas del País Valencian signèron las Nòrmas de Castelhon qu’acceptavan l’unitat lingüistica de la lenga catalana amb tota la siá diversitat. Per commemorar aquel anniversari, se convoquèt la manifestacion, justament dins un moment que la lenga catalana es mai atacada que jamai, del temps qu’es tanplan menaçada l’escòla en occitan en la Val d’Aran. Es per aquò que la manifestacion foguèt tanplan una responsa populara a l’atac del govèrn espanhòl contra l’ensenhament en catalan.
_____
Mai d’informacions sus Vilaweb: “Milers de persones a Castelló en defensa de la unitat de la llengua i contra la reforma de Wert”
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es ben que i ague de monde pron intelligent per defendre l'unitat dau catalan en vesent qu'es l'avenir de la lenga (dins sa diversitat : rosselhonés, balears, valencian) qu'es en juèc.
L'article ditz : "l’atac del govèrn espanhòl contra l’ensenhament en catalan". A mon vejaire, s'agís pas mai simplament d'un govèrn "espanhòl". S'agís d'un govèrn extremista e faiscista. Coma disiá un barbut paure que malidisiá los rics e los poderoses que lèu festejarem lo sieu aniversari, se reconeis l'arbre a sas frutas. Mal arbre non pòt far bona fruta.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari