Actualitats
Mobilizacion “per que viscan nòstras lengas”
Una peticion sus change.org es lançada pels collectius d’ensenhaires de l’estat francés que manifestaràn lo 30 de novembre a París davant lo Ministèri de l’Educacion
Tot es prèst per la manifestacion per las lengas autoctònas e minorizadas de l’estat francés que se tendrà a París lo dissabte 30 de novembre. Mentretant, lo collectiu Per Que Viscan Nòstras Lengas a aviat una peticion sus change.org adreiçada al ministre francés de l’educacion per protestar contra sa reforma qu’implica una granda reculada dels escassas ressorsas que las avián dins l’educacion publica francesa.
Los signataris planhon lo ponch de feblesa qu’an atench las lengas autoctònas de l’estat autras que lo francés e asseguran que lor subrevivéncia es en question. Tanben soslinhan l’esfòrç màger que devon far las populacions concernidas per salvagardar aquel patrimòni lingüistic e cultural. A mai, denoncian las successivas politicas lingüicidas de l’estat francés e soslinhan qu’a l’ora d’ara existís cap de volontat reala de metre en plaça de vertadièras politicas lingüisticas eficaças.
La situacion de l’ensenhament es essencial a la transmission e a la vitalitat d’aquelas lengas, e per tant, se condemna la reforma Blanquer e sas “consequéncias terriblas”, que se demòstran amb la “casuda dramatica dels efectius d’escolans incriches en lengas regionalas”.
Lo collectiu se bat per l’ensenhament de l’occitan, del basco, del breton, del catalan, del còrs, del flamenc, de l’alemand, de l’arpitan, de las lengas d’oïl, dels creòls e de las lengas autoctònas dels territòris d’otramar. Apèlan a la mobilizacion generala contra lo ministre Blanquer dont la politica mena a un vertadièr lingüicidi. Rendètz-vos lo 30 de novembre davant lo Ministèri francés de l’Educacion, a París, lo 30 de novembre de 2019 a 11h.
Podètz clicar aicí per signar la peticion.
Los signataris planhon lo ponch de feblesa qu’an atench las lengas autoctònas de l’estat autras que lo francés e asseguran que lor subrevivéncia es en question. Tanben soslinhan l’esfòrç màger que devon far las populacions concernidas per salvagardar aquel patrimòni lingüistic e cultural. A mai, denoncian las successivas politicas lingüicidas de l’estat francés e soslinhan qu’a l’ora d’ara existís cap de volontat reala de metre en plaça de vertadièras politicas lingüisticas eficaças.
La situacion de l’ensenhament es essencial a la transmission e a la vitalitat d’aquelas lengas, e per tant, se condemna la reforma Blanquer e sas “consequéncias terriblas”, que se demòstran amb la “casuda dramatica dels efectius d’escolans incriches en lengas regionalas”.
Lo collectiu se bat per l’ensenhament de l’occitan, del basco, del breton, del catalan, del còrs, del flamenc, de l’alemand, de l’arpitan, de las lengas d’oïl, dels creòls e de las lengas autoctònas dels territòris d’otramar. Apèlan a la mobilizacion generala contra lo ministre Blanquer dont la politica mena a un vertadièr lingüicidi. Rendètz-vos lo 30 de novembre davant lo Ministèri francés de l’Educacion, a París, lo 30 de novembre de 2019 a 11h.
Podètz clicar aicí per signar la peticion.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se cal bolegar e anar amb altras companhs e companhas a París a se manifestar amb tren, amb autocars, de la maniera mai convenienta per cadascun com es puga. Tots ensems que l'union fa la força.
Los de la Talvèra, los locals de l'etapa, i seràn. Òsca dròlles!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari