capçalera campanha

Actualitats

Internacional

Se multiplican las protèstas en Chile jos l’estat d’emergéncia

Lo govèrn a decidit d’arrestar la pojada de la bilheta de mètro, qu’aviá provocat las protèstas, mas lo malcontentament social perdura

| @maxitoop
Se multiplican las protèstas en Chile en seguida de la pojada del prètz de la bilheta de mètro, en daissant un tragic bilanç de dètz mòrts. Malgrat l’estat d’emergéncia declarat pel president del país, Sebastián Piñera, las fòrtas protèstas ocasionan lo cremament de supermercats, de veituras e d’autobuses. Lo nombre de manifestants detenguts divendres passat èra de 180.
 
Piñera anoncièt dissabte la suspension de l'aument del prètz del mètro. Mas las susmautas contunhan. La pojada del prètz del transpòrt public es pas que la part visibla de l’icebèrg e foguèt lo detonador de la revòlta. Chile viu un malcontentament social generalizat a causa d’un sistèma de pensions entre las mans d’una societat privada, de salaris tròp basses a respècte del còst de vida, e d'un sistèma educatiu de mai en mai deficient.
 
 
 
 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

francesc palma
3.

Per un augment d'un mejan basi dels trebalhadorrs, per què la dreta governant no i va amb metro. D'un govern de dretas, coma lo del pp a Chile que se pot esperar,10 morts manifestants e cap policia. 10 joves morts en mans de las tropas assassinas que governan. Sembla quan i avia lo terror de Pinochet.

  • 3
  • 0
Pitaluga
2.

Meteissas dificultats per las gents de res, meteissas responsas per part del poder aitanplan sus las ribas del Pacific e sus las ribas de l'Atlantic; amb un degrà de duretat mai elevat alai que siague per las condicions de vida de los d'enbàs o per la violéncia de las fòrças dicha de l'òrdre.
Lo liberalisme economic es lo liberalisme economic.
Cal creire que totes los govèrnaments mai o mens democratics son anats a la meteissa escòla per aprene a domdar lo pòble indignat e li botar lo cabèstre sul còl.

  • 6
  • 0
Black Blòc Joe
1.

Òm pòt pas perpetualament apaurir los paures per enriquir los rics sense que los paures, a moment donat, non se mainen qu'òm se trufa d'eles merdosament, mespresosament… Lo sistèmi liberal, de dreita o de siá-disent esquèrra, non es viable, ni per la planèta, ni per l'umanitat. A moment donat, cal qu'espète, ni mai, ni mens. E l'Euròpa seriá plan avisada de se'n mainar tanben…

  • 6
  • 0

Escriu un comentari sus aqueste article