CAPÇALERA PAIS INVISIBLE

Actualitats

InternacionalLengaPoliticaSocietat

Los cònsols màgers de Catalonha Nòrd sostenon lors “fraires catalans”

En nom del govèrn francés i èra Geneviève Darrieussecq, que recebèt una fiulada après dire: “Ací qu’avetz un estacament particular a la defensa de l’occitan”

Geneviève Darrieussecq als cònsols màgers de Catalonha Nòrd: “Ací qu’avetz un estacament particular a la defensa de l’occitan”
Geneviève Darrieussecq als cònsols màgers de Catalonha Nòrd: “Ací qu’avetz un estacament particular a la defensa de l’occitan” | @Amfdu66
Los 120 cònsols màgers de Catalonha Nòrd an mostrat lor sosten amb lors “fraires catalans” del sud. O faguèron dins l’encastre del congrès de l’associacion que los amassa. La secretària d’estat de la ministra francesa de las armadas, Geneviève Darrieussecq, assistiguèt a l’eveniment e i portèt l’anecdòta en fasent la confusion entre occitan e catalan.
 
Lo president de l’associacion dels cònsols màgers del departament dels Pirenèus Orientals, Guy Allary, se mostrèt fòrça inquiet a prepaus de la situacion que se viu al Principat de Catalonha e planguèt qu’una situacion tala se poguèsse produire en Euròpa. De son caire, lo pòrtavotz de l’associacion e cònsol màger de Sant Andreu, Francis Manent, diguèt que la senténcia de la Cort Suprèma espanhòla contra los presonièrs politics catalans “remembra[va] las oras mai escuras del passat”. Dins aquel sens, Manent soslinhèt que “los jutges espanhòls sanciona[va]n  lo drech de manifestar e la libertat d’expression e ataca[va]n la democracia”.
 
Geneviève Darrieussecq, en nom del govèrn francés, manifestèt la preocupacion del president de la Republica per l’integritat e l’unitat d’Espanha. En mai d’aquò, l’elegida gascona portèt l’anecdòta a l’eveniment en disent dins son discors: “Ací qu’avetz un estacament particular a la defensa de l’occitan”. Aquelas paraulas provoquèron una fiulada generala. De soslinhar que los elegits de Catalonha Nòrd se batèron per que la region qu’a pres lo nom d’Occitània recebèsse un autre nom que respectèsse l’identitat catalana d’una partida del territòri regional.
 
 
 
 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
5.

Moltas gracies als 120 consols de Catalunya Nord. Al cap e a la fin son part del cor de Catalunya.

  • 10
  • 0
Ici Paris
4.

La votz de son mèstre....L'aparisenquit es encara mai nèci que sos mèstres parisencs. Aquela Darrieussecq es autant gascona que la "presidenta" d'Oxitany es occitana, m'as comprès !

  • 14
  • 0
Black Blòc Joe
3.

#1 Sonque i a basc, occitan, catalan e aragonés.
LAREM ?… La repression en marcha, es aquò ?

  • 10
  • 1
G
2.

Quora lo riu es sec, se mescla francés e neerlandés. Causa sabuda.

  • 10
  • 0
serra
1.

Apei "le pyrénéen" de Macron que, de segur , existís pas ( sonque i a basco, occitan gascon e languedocian, catalan, aragonés), a mai de la politica antisociala del govern, encara una prova de l'inhoréncia e l'incompeténcia dels macronistes e de LAREM;

Visca aquestes elegits nordcatalans !

  • 12
  • 0

Escriu un comentari sus aqueste article