Actualitats
Perqué los socialistas aprovèron lo drech d’autoderminacion d’Aran e refusan lo de Catalonha?
La deputada aranesa Anna Geli a recordat lo sosten del PSC al drech de decidir del pòble aranés, remarca lo refús que lo mòstra aquel partit envèrs lo pòble catalan, e demanda s’ara refusariá de sosténer aquel drech per Aran
Dimècres passat, se parlèt un còp de mai en occitan al Parlament de Catalonha. La deputada aranesa Anna Geli remembrèt que l’estat espanhòl refusa que l’occitan siá lenga preferenciala en Aran, e demandèt al govèrn de la Generalitat que mantenguèsse e refortiguèsse las politicas lingüisticas envèrs la lenga pròpria de la Val d’Aran. Dins aquel sens, la conselhièra de la cultura, Mariàngela Vilallonga, respondèt que se contunharián e mai se refortirián las politicas actualas en coordinacion amb las institucions aranesas.
Dins son interpelacion, Geli ramentèt qu’Aran a la reconeissença del drech d’autodeterminacion de part del Parlament de Catalonha. Geli parlèt d’efièch de la sesilha de mai de 2013 quand se bastissiá l’actuala Lei d’Aran, ont totes los grops parlamentaris, franc del Partit Popular e Ciutadans, avián reconegut lo drech d’autodeterminacion d’Aran. Lo Partit Socialista (PSC) i votèt en favor, mentre que se manifèsta ara contra lo drech d’autodeterminacion de Catalonha. Dins aquel sens, Geli se demandèt s’ara los socialistas refusarián tanben aquel drech per Aran. Lo Partit Socialista es representat per Unitat d'Aran al país de cap de Garona. Ara ten lo Govèrn d'Aran dirigit pel sindic Paco Boya.
Geli tanben se demandèt se l’occitan seriá tanplan reconegut s’Aran faguèsse pas partida de Catalonha mas, per exemple, d’Aragon.
Quant als engatjaments de Vilallonga envèrs l’aranés, la conselhièra de la cultura assolidèt que se mantendriá lo sosten a l’Institut d’Estudis Araneses – Acadèmia Aranesa de la Lenga Occitana, e que se collaborariá encara amb lo Conselh General d’Aran pertocant la coordinacion de las politicas lingüisticas e de promocion de l’occitan en Catalonha e Aran. En mai d’aquò, s’engatgèt a promòure d’acòrdis de collaboracion pel sosten e per la projeccion internacionala de la lenga occitana.
Vilallonga tanben diguèt que s’encoratjariá la preséncia e l’usatge de l’aranés dins l’administracion de la Generalitat e que los sits web e los entorns numerics del govèrn catalan promourián la lenga nòstra.
Dins son interpelacion, Geli ramentèt qu’Aran a la reconeissença del drech d’autodeterminacion de part del Parlament de Catalonha. Geli parlèt d’efièch de la sesilha de mai de 2013 quand se bastissiá l’actuala Lei d’Aran, ont totes los grops parlamentaris, franc del Partit Popular e Ciutadans, avián reconegut lo drech d’autodeterminacion d’Aran. Lo Partit Socialista (PSC) i votèt en favor, mentre que se manifèsta ara contra lo drech d’autodeterminacion de Catalonha. Dins aquel sens, Geli se demandèt s’ara los socialistas refusarián tanben aquel drech per Aran. Lo Partit Socialista es representat per Unitat d'Aran al país de cap de Garona. Ara ten lo Govèrn d'Aran dirigit pel sindic Paco Boya.
“Ei tant eth respècte entà Aran, qu’ena disposicion addicionau prumèra dera lei de 2015, es aranesi auem reconeishut eth dret a decidir eth nòste futur coma pòble, ua lei, per cèrt, votada en aguesta cramba per totes es fòrces politiques a excepcion deth PP e de Ciutadans. Açò vò díder qu’eth PSC votèc a favor dera arreconeishença deth pòble aranés a decidir eth sòn futur, e en cambi, actuaument eth PSC ei totaument contrari ath dret d’autodeterminacion deth pòble catalan, per tant, tanben serie contrari aué ath dret a decidir deth pòble aranés?”
Geli tanben se demandèt se l’occitan seriá tanplan reconegut s’Aran faguèsse pas partida de Catalonha mas, per exemple, d’Aragon.
Quant als engatjaments de Vilallonga envèrs l’aranés, la conselhièra de la cultura assolidèt que se mantendriá lo sosten a l’Institut d’Estudis Araneses – Acadèmia Aranesa de la Lenga Occitana, e que se collaborariá encara amb lo Conselh General d’Aran pertocant la coordinacion de las politicas lingüisticas e de promocion de l’occitan en Catalonha e Aran. En mai d’aquò, s’engatgèt a promòure d’acòrdis de collaboracion pel sosten e per la projeccion internacionala de la lenga occitana.
Vilallonga tanben diguèt que s’encoratjariá la preséncia e l’usatge de l’aranés dins l’administracion de la Generalitat e que los sits web e los entorns numerics del govèrn catalan promourián la lenga nòstra.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per que creson que a Catalunha guanharia l'independència, cresi., e qu' a Aran no s'arribaria a far mai lo referendum.
#7 Eth gascon aranés vairà, alara, eth LAPAO (bis ) " lengua aragonesa propia del áera occidental".
Quina catastròfa enta nòstra lenga !
Lo PSoe aprovet l'autodeterminacion d'Aran perdequé sabon que si an majoritat boyana (UA) , e . l`auran o ja l'an,, quand los araneses s'autodeterminaran o faran per demorar en Lo Reialme d'Espanha coma pichona comarca aragonesa.
Per Aran Aisit de comprene :
1- porta pas a granda conséquencia e rencrèis la cresença e la benpensença socialista.
2- Per Catalonha es granda consequencias e mecuts que son los socialistas o se pòdon pas permetre.
3- Tot partit politic vòl lo bonastre e sap cossi far, un còp al poder cambian las causas, los imprevezits quilhan lo nas e subran lo bonastre urgís mens.
4- Aver lo poder per far vòstra bonastre
5- Lo poder se conquista, pauc importan los mejans, segur son qualques leis mas se contornan aisidament.
6- Per conquistar lo poder, cal d’argent, de « cadres » e pichonas mas per empegar las afichas.
7- Conquistar lo poder es de se botar en situacion de contrarotlar l’aparelh d’estat.
8- L’aparelh d’estat es quicòm de subre grandàs, de budgets en milhards, de foncionaris a roncéncias.
9- Vòstre bonastre es vosaus meteis qu’anatz lo crear
#4 Mira tio qu'ei un principi democratic honamentau que la causida majoritària democraticament exprimida e s'arrespecti. Qu'ei lo cas deu programa D'UA en Aran. Que deuré tanben estar un principi de jutjament politic de tostemps har cas de la situacion e de l'avís deus qui son pertocats per ua question politica. Ta tu com ta jo qu'ei adaise d'aver ua opinion suu procès catalanista de França estant. No'ns tòca pas ua colha, qu'ei gratís. Ad eths lo lor present e lo lor aviéner que s'i deviran, e de mei, com a minoritat. Tròbi tanben sospieit per occitanistas d'estar tostemps tant pressats d'identificà's dab lo pòble catalan e incapable d'ac har dab los aranés, de qui disetz que son ua part deu vòste pòble. Ta clavar cau léger la declaracion deu sindic que j'expremeish causas com lo dret de la societat a jutjar ua senténcia judiciau e a manifestar. N'esmagini pas briga un partit feishista declarà'c.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari