capçalera campanha

Actualitats

InternacionalPoliticaSocietat

Catalonha e Hong Kong: d’acamps de solidaritat mutuala

Los acampats d’un costat e de l’autre de la planeta se vesián per d’ecrans que s’èran plaçats suls emponts

A Hong Kong, èran almens tres mila los solidaris amb los catalans
A Hong Kong, èran almens tres mila los solidaris amb los catalans
Las protèstas que viu Catalonha dins los darrièrs 11 jorns e las que viu Hong Kong dins los darrièrs meses an portat de messatges de solidaritat mutuala fins al ponch que, dimars passat, i aguèt dos acamps de solidaritat mutuala, simultanèament a Barcelona e Hong Kong. Los acampats d’un costat e de l’autre de la planeta se vesián per d’ecrans que s’èran plaçats suls emponts.
 
A Barcelona, l’acamp se tenguèt davant lo consolat de China, e amassèt qualques centenats de personas. A Hong Kong, èran almens tres mila los solidaris amb los catalans, e los imatges que daissèt aquel acamp son esmovents, coma podètz veire en seguida.
 
 
 
 
 
De mençonar qu’a Barcelona un grop de personas mostrèron una bandeiròla en catalan qu’afichava lo messatge “Hong Kong fa totjorn partida de China”. Un dels manifestants chineses agarriguèt una manifestanta catalana que portava una bandeiròla en chinés que disiá: “Liberatz Hong Kong, la revolucion de nòstre temps!”. Aquela agression es estada plan comentada, e condemnada, suls rets socials pels activistas hongkongueses.
 
 
Imatge: ACN
 
 
 
 
 
abonar los amics de Jornalet



 
 
 
 
 
 
BCN
 
 
A Barcelona, l’acamp se tenguèt davant lo consolat de China, e amassèt qualques centenats de personas
A Barcelona, l’acamp se tenguèt davant lo consolat de China, e amassèt qualques centenats de personas

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Guilhem Pujol
6.

#5 Ont avètz vist que soi contra la reunificacion de Catalonha ?M'avètz mal legit. Englatèrra a annexat un troç de China, l'a colonizat, puèi l'a tornat a China. Super. Problèma, los estatjants volon pas pus dependre de China. Fa gaireben 4 sègles França a annexat un troç de Principat, personalament soi per la reunificacion de Catalonha, me demandi solament cossi aquesta retrocession a Barcelona seria viscuda pels estatjants de l'actual departament 66. Se pensan totes coma vos me'n regausissi d'abança e tot se passarà sens cap problèma dins lo melhor dels monds. Es pas la pena de me pocejar de roge, ome, e visca Catalunya e Hong-Kong.


  • 2
  • 0
Serra Gasconha Tolosana
5.

#4 Soi nordcatalan, filh de nordcatalan de "soca-arrel" pel quatre costats, familias esdevingudas "francesas" de papier apei lo Tractat del Pirineu del 1659, signat entre los Borbòns de França e d'Espanha contra la volontat dels quites catalans e de lors institucions representativas- Corts Catalanas-que son pas estadas consultadas.

Ai aujòls que an patit la repression francesa ( notadament Bernat d'Oms- mòrt dins un potz sus òrdre del rei de França) e quitament qualques botiflers (sòcis del Consell Reial del Rosselló).

Coma fòrca catalans de soca e neo-catalans, soi per la reunificacion de Catalonha tota. M'estimi mai coma capitala Barcelona que París ont, çaquela ai viscut dètz ans coma foncionari de l'estat francés. Me senti a Barcelona fòrça mai"a gust" i respectat e i pòdi parlar ma lenga coma tamben l'occitan dins tot lo Principat.
Visca Catalunya lliure !










  • 3
  • 0
Guilhem Pujol
4.

#3 Se "descolonizar" de China ? E pasmens los hong-kongueses son chineses....mas pas pus coma a Pekin. Aprèp tantas annadas de colonizacion englesa i-a quicom qu'a prigondament cambiat dins lor ment. Fenomen parrièr quand lo Maruèc espanhol foguèt descolonizat e que lo Maruèc s'entravèt que los estatjants volian pas èsser "restacats" al Maruèc e se proclamèran sahraouis. L'identitat es quicom de movedis qu'obedis pas totjorn a la logica e qu'espelis pas totjorn ont èra "previst". En despièch d'aquo cal plan segur respiechar la volontat dels pobles. Aquo dich, lo problèma dels hong-kongueses es pas Pekin en se, es lo fach que lo regim de China siague autoritari e dictatorial. "L'identitat" revendicada per Hong Kong es la democracia, saique pas una lenga o una cultura desparrièra
coma es lo cas amb Catalonha. Aquo que recampa los dos pobles en lucha es que lor voler (Independencia per Catalonha, democracia per Hong Kong) es pas respiechat e qu'es reprimit pel poder central. Per acabar, una question subsidiaria al sicut de l'identitat : en cas de retrocession del troç de Principat annexat fa tres sègles per França, a vostre vejaire, cossi seria viscut pels estatjants de Catalonha Nord lo restacament a Barcelona ? La responsa l'ai pas, mas val lo cop de se pausar la question.





  • 4
  • 1
Serra Gasconha Tolosana
3.

#2 Hong Kong s'a descolonizat del Reialme Unit mas pas de China. Véser, en particular, las reaccions dels chineses de Barcelona sus la video e la repression chinesa al quite Hong-Kong !

  • 1
  • 6
francesc palma
2.

No a res a veire Catalunya amb Hong Kong. Catalunya es una nacion que vol aplicar l'autodeterminacion segons los Drets Humans de l'ONU. E Hong Kong era una colonia Britanica qu' ara s'a descolonizat gracias a l'ONU.

  • 7
  • 0

Escriu un comentari sus aqueste article