Actualitats
Pampalona: de milièrs de personas manifèstan pels joves d’Altsasu
La Cort Suprèma espanhòla manten de longas penas de preson contra eles per una bagarra de bar qu’i participèron dos policièrs de la Gàrdia Civila sens unifòrme
Los manifestants demandavan la liberacion del temps que tanben evocavan los represalhats en Catalonha.
De matin, 150 ciclistas faguèron lo camin d’Altsasu a Pampalona (64 km) per solidaritat amb los joves encarcerats dempuèi 2016.
Fins a 13 ans de preson
Los faches se passèron lo 15 d’octòbre de 2016, a cinc oras del matin. Se tenguèt alavetz una bagarra nocturna de bar dins la vila d’Altsasu (Bascoat) ont dos agents de la Gàrdia Civila sens unifòrme e lors companhas foguèron nafrats. Lo ministèri public acusèt de terrorisme los sèt jovents e la joventa, ara condemnats. Eles son empresonats dempuèi lo 14 de novembre de 2016.
Los joves foguèron jutjats per l’Audiéncia Nacionala espanhòla, un tribunal d’excepcion especializat dins los crimes de terrorisme, que fa qualques jorns ne ratifiquèt las condemnacions.
Condemnats per atemptat a l’autoritat e trebol de l’òrdre public
Los joves d’Altsasu son doncas condemnats per atemptat a l’autoritat e trebol de l’òrdre public en seguida d’aquela bagarra nocturna. Segon lo tribunal, la bagarra constituís los delictes d’atemptat contra d’agents de l’autoritat, de lesions, de trebol public e de menaças. Per contra, los jutges negligisson l’acusacion de terrorisme que lo ministèri public aviá tornat demandar. Enfin, la justícia espanhòla manten la senténcia prononciada en junh passat, amb de penas d’entre 2 e 13 ans de preson.
Segon los arguments de l’Audiéncia Nacionala espanhòla, l’incident foguèt pas una bagarra de bar mas los joves ataquèron los agents pel fach d’èsser d’agents de la Gàrdia Civila. Atal s’es mantengut las senténcias contra Oihan Arnanz a 13 ans de preson, contra Jokin Unamuno e Adur Ramírez de Alda a 12 ans, contra Jon Ander Cob, Julen Goikoetxea e Aratz Urrizola a 9 ans e contra Ainara Urkijo a 2 ans. Dins lo cas d’Iñaki Abad e d’Oihan Arnanz, los an tanben condemnats per trebol de l’òrdre public. Solament dins lo cas d’Iñaki Abat los jutges an reducha la pena de 13 a 6 ans de preson, car la senténcia lo condemnava per dos delictes de lesions qu’el n’èra quitament pas acusat. Las defensas dels joves pòdon recórrer ara contra la senténcia davant la Cort Suprèma espanhòla, qu’es lo tribunal de darrièra instància qu’ara jutja los independentistas catalans.
La cort a refusat un còp de mai de considerar que se tractava d’una bagarra de bar o d’un pichon incident o d’una garrolha, coma o afirman los avocats dels joves, mai que mai perque los policièrs èran a beure un còp sens portar l’unifòrme.
Aurrera Altsasu! Endavant Catalunya #AltsasukoakASKEpic.twitter.com/BLa7G5y7ci
— (@aurrerabolie) October 26, 2019
¡Por una justicia real!.
— Support Athletic (@laugaren) October 26, 2019
Queremos a los 7 de Altsasu y tod@s los demás en casa.#GorkaUrbizu#Berritxarrak#AltsasukoakAskepic.twitter.com/OiDANd01jk
¡Por una justicia real!.
— Support Athletic (@laugaren) October 26, 2019
Queremos a los 7 de Altsasu y tod@s los demás en casa.#GorkaUrbizu#Berritxarrak#AltsasukoakAskepic.twitter.com/OiDANd01jk
#AltsasukoakASKE Horrela sartu da Iruñean txirrindula martxa, izugarria!!! pic.twitter.com/09QkQlNr2P
— Ahotsa.info (@AhotsaInfo) October 26, 2019
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una altra violacion dels Drets Humans per la jurisprudencia espanyola que no es vol reciclar e posar se a nivel europeu.
Cada jorn, los dirigents del P "SO"E baton lors pròpris recòrds.
Carmen Calvo, vicepresidenta del govèrnament espanhòl, es a dire la n° 2, pas qu'aquò! après declarar ièr que:
José Antonio Primo d Ribera es una victima"
(parlem del cap de la Falanje, lo partit faissista que trabalhèt fòrça pendent la Republica per provocar la guèrra civila en Espanha)
uèi menaça Belgica de represalhas se lor manda pas lo President Puigdemont.
Aquò es la pagela de la democràcia e de l'independéncia de la justícia segon los dirigents espanholistas que contunhan de nos los far passar per socialistas.
Es vertat que dins l'Exagòn lo govèrnament a tanben l'abituda de, a l'encòp, balhar de leiçons sus l'independéncia dels diferents poders e se mesclar dins çò qu'es pas de sa competéncia. De còps dison que cal daissar los jutges far lor trabalh (man dura amb los gilets jaunes per exemple, enquèstas çaganhadas sus las "fòrças de l'òrdre"...), e d'autres còps fan de criticas fòrtas dels jutges o lor balhan de recomandacions pesugas per jutjar dins lo sens que los interèssa.
Per comparar: me trobèri i a mai de 15 ans al tribunal de Montalban ont un òme comparessia per aver trucat un òme que li avia fach una coa de peis (en veitura). Quin rapòrt? aqueste òme èra un flic, en civil e pas en servici. Lo colpable de violenças (que "se defendèt" en diguèt que sabia pas qu'èra un flic...) se'n tirèt amb un amenda e de subre-sèit. Cossi o explicar? es pas lo meteis pais (domatge qu'Altsasu siaguèsse pas en Tarn-e-Garona) e benlèu tanben que lo tarn-e-garonés incriminat avia l'astre d'èsser pas basc, donc pas terrorista (se seguissèm los jutges espanhòls).
Pietados.
Dins un reialme borbon que i passas 13 ans de preison per aver respectat tos egatjaments d'elegit democratic a complir lo programme democratic de consultacion referendàriadel pòble que t'èras engatjat publicament a i procedir, t'elegiguèssen, podes ben far 13 autres ans de preison per aver tustat subre un amòri provocator en civil se trobant èsser un flic espanhòl. Per aquò, basta plan pro d'èsser catalan o basc.
Aquò, en tèrme de justícia, se ditz una politica racista de discriminacion. Una institucion, coma l'Euròpa, l'estat francés o l'estat espanhòl, que non tròba res a senhalar subre aqueste sicut signan simplament son apartenença politica non pas teorica (democratica ?), mas reala e efectiva (despotica).
E pas un mot dins los mèdias exagonals.
Sèm informats!... M'engani: Son a nos formatar!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari