Lo principal cercador d’Internet, Google, a explicat aqueste decembre coma s’es passat l’an quant a las grandas tendéncias. Après analisar 1,2 bilions de consultas en 146 lengas, Google a descobèrt qu’al mai naut del classament de recèrcas de tot lo Mond i a Whitney Houston, la cançon Gangnam Style^[1] e l’auragan Sandy. Dempuèi qualques ans, Facebook e Twitter, los dos principals rets socials, publican tanplan las lors retrospectivas.
 
Alavetz, Facebook descobrís en aquesta pagina las istòrias que considèra mai significativas de 2012, als Estats Units e dins un vintenat mai d’estats. S’agís de la lista de tèmas qu’an circulat mai en estats, comentaris, partiments... demest lo miliard de membres del ret. Coma curiositat, se vos connectatz al vòstre compte e anatz sus facebook.com/yearinreview, poiretz veire “los vòstres vint grands moments de l’an”.
 
Una opcion plan semblabla es la qu’ofrís Twitter, en collaboracion amb Vizify.com, per descobrir “los melhors moments” de cada usatgièr en 2012. En çò que tanh a la siá retrospectiva annala, Twitter permet de descobrir los comentaris mai piulats, los eveniments mai seguits, las etiquetas mai animadas e las personalitats que i an fach un compte ongan.
 
 
 
 
 
_____
^[1]La cançon “Gangam Style” se pòt veire amb de sostítols en occitan