capçalera campanha

Actualitats

Economia
crotz-tolosaCreated with Sketch.LengadòcLengadòc BasBesierés

I a pas pus de trens entre Lengadòc e Catalonha fins al 25 de novembre

Los camins de fèrre demoraràn interromputs pendent gaireben un mes a causa dels auratges de la setmana passada, qu’endequèron las vias

Los camins de fèrre que jonhon Occitània amb Catalonha demoraràn interromputs durant quasi un mes a causa dels auratges de la setmana passada, que damatgèron las vias, mai que mai en Besierés
Los camins de fèrre que jonhon Occitània amb Catalonha demoraràn interromputs durant quasi un mes a causa dels auratges de la setmana passada, que damatgèron las vias, mai que mai en Besierés | GF3 LR J.M.Escafre
Cap de tren circula pas entre Montpelhièr e Perpinhan fins al 25 de novembre, çò rapòrta Ràdio Arrels. Aquela interrupcion, començada la setmana passada, afècta tanben los TGV entre Barcelona e París.
 
Los camins de fèrre que jonhon Occitània amb Catalonha demoraràn interromputs durant quasi un mes a causa dels auratges de la setmana passada, que damatgèron las vias, mai que mai en Besierés. Segon l’SNCF, los trabalhs per far son pro importants e la circulacion se poirà reprene, dins un primièr moment, sus una via soleta.
 
I a 94 trens jornadièrs anullats, entre los quals qualques unes seràn remplaçats per d’autobuses. Mas es pas possible dins lo cas del TGV.
 
De recordar que l’estat francés refusa que las linhas entre Montpelhièr e Perpinhan sián de granda velocitat.
 
 
 
 
 
 
 
abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Lengadoc, se los que trabalhan...
5.

#4 Es per aquo que l'Estat parisenc s'es amusat a fabricar, per se donar un suplement d'exotism, de regions sensa cap poder de decision. Administradas directament pel poder central ajudat localament per de supletius (coma la "presidenta" d'aquela fantaumatica Region "Oh Que Si Ta Ni " ) qu'executan servilament los ordres de Paris.

  • 7
  • 0
Black Blòc Joe
4.

#3 Lor interès es de d'afortir la poténcia del centre subre las periferias, e de subretot non pas permetrer a las periferias de s'afortir una de l'autra. Paris ni Madrir non vòlon — despuèi al mens sèt sègles, e mai uèit, d'un conjunt occitano-catalan potent economicament ni politicament. Lo refús francés non se deu cercar endacòm mai. Junts, lor fasèm PÁUR ! Coma fan páur los païses catalans junts en una meteissa nacion conscienta d'ela-meteissa. Alavètz, imagina : 27 milions d'occitanocatalans junts !!! La terror…

  • 8
  • 0
francesc palma
3.

Pareis coma si l'Estat Francès no agués interés amb aquestas linias, se pas per quina rason, mas sempre que i ai anat m'a parescut aissí.

  • 8
  • 0
V per Vendetta
2.

De recordar que l’estat francés refusa que las linhas entre Montpelhièr e Perpinhan sián de granda velocitat. Caldriá donc de diluvis sagatadors tombèsse pertot a l'entorn de París, cada mes, per dire d'equilibrar un auc las fòrças, a títol d'egalitat jacobina territoriala : cadun çò meteis, es aquò, lo jacobinisme, non ?

  • 6
  • 0
Melania Besièrs
1.

Comunican d'a fons sus la "Grande vitesse" mas cal pas doblidar las linhas de TER, trens regionals , que las utilizan de milierats de personas cada jorn. Lo TER que ven de Perpinhan (i a pas solament lo TGV que fa Montpelhièr-Perpinhan, i a tb de TERs cada jorn !), que pren de monde a Narbona, puèi s'emplís fòrça a Besièrs, Agde e arriba a Seta clafit coma un uòu, los setòris i an pas mai de sètis e viatjan dreches, los muscatièrs de FRontinhan an pas jamai sachut la color dels sètis. Aquela linha esquintada per la pluèja, i passa(va)n tot plen de TERs amb un fum de monde dedins. Tot aquel mond, usatgièrs de cada jorn, an pas mai son transpòrt public per anar trabalhar o anar a l'escòla.

La LGV... a de qué servís quand lo TGV s'arrèsta a la gara "sud de france", qu'es a peta lega, luènh del centre de Montpelhièr e del 1èr tram ?

Ai un abonament professional annadièr per far Besièrs-Montpelhièr e ai pas recebut un paure email de la SNCF per me dire que i aviá un bus per me menar a Montpelhièr. De fach, m'an pas res mandat.


Dins las darrièras informacions legidas, disián que la pluèja aviá tocat las fondacions de las vias e son a tornar bastir: lèvan las vias, lèvan la grava, tòrnan far las fondacions, remeton la grava e pausan las vias. Un mes serà pas de tròp per far tot aquò...


  • 15
  • 0

Escriu un comentari sus aqueste article