Actualitats
Índia a devesit Cashmir en dos territòris federals per aumentar lo contraròtle de la region
En agost passat, lo govèrn d’Índia suprimiguèt l’estatut especial, n’anullèt l’autonomia e los principals caps de l’oposicion foguèron arrestats
Las autoritats d’Índia an devesit Cashmir en dos territòris federals per refermar son dominacion sus la region, un país de majoritat musulmana partejat entre Índia e Paquistan, que se’n disputan la sobeiranetat, del temps que China tanben n’ocupa una petita partida. Aquela division intrèt en vigor lo 31 d’octòbre passat.
En agost passat, lo govèrn d’Índia suprimiguèt l’estatut especial de Cashmir, n’anullèt l’autonomia, levèt lo servici de telefòn e d’Internet, e los principals caps de l’oposicion foguèron assignats a domicili. Tre aquel moment se tenguèt de protèstas per carrièras. A mai, las protèstas se multipliquèron quand lo primièr ministre d’Índia, Narendra Modi, anoncièt que devesiriá lo país en dos territòris federals dirèctament contrarotlats per Nòva Delhi: l’enclavament bodista de Ladakh e la rèsta de Cashmir.
Après aquela anóncia, las autoritats índias mandèron de milièrs de tropas a la val de Cashmir, ont los milicians independentistas an luchat contra las fòrças indianas pendent de decennis. Los principals dirigents politics de Cashmir son totjorn detenguts.
Se senton umiliats
Wajahat Habibullah, un ancian foncionari que trabalhèt al Cashmir indian e qu’èra dins la principala vila de la region la setmana passada, a assegurat que los cashmiris se senton umiliats per la pèrda de la condicion d’estat federal.
Aqueste divendres, 31 d’octòbre, G.C. Murmu a pres possession coma nòu governador, un ancian naut responsable sortit de l’estat de Gujarat, d’ont es tanben originari lo primièr ministre. Un autre foncionari, Radha Krishna Mathur, a assumit la carga de governador de Ladakh.
En agost passat, lo govèrn d’Índia suprimiguèt l’estatut especial de Cashmir, n’anullèt l’autonomia, levèt lo servici de telefòn e d’Internet, e los principals caps de l’oposicion foguèron assignats a domicili. Tre aquel moment se tenguèt de protèstas per carrièras. A mai, las protèstas se multipliquèron quand lo primièr ministre d’Índia, Narendra Modi, anoncièt que devesiriá lo país en dos territòris federals dirèctament contrarotlats per Nòva Delhi: l’enclavament bodista de Ladakh e la rèsta de Cashmir.
Après aquela anóncia, las autoritats índias mandèron de milièrs de tropas a la val de Cashmir, ont los milicians independentistas an luchat contra las fòrças indianas pendent de decennis. Los principals dirigents politics de Cashmir son totjorn detenguts.
Se senton umiliats
Wajahat Habibullah, un ancian foncionari que trabalhèt al Cashmir indian e qu’èra dins la principala vila de la region la setmana passada, a assegurat que los cashmiris se senton umiliats per la pèrda de la condicion d’estat federal.
“Cossí que foguèsse l’actitud dels govèrns federals dins lo passat, sentián almens qu’avián quicòm de pròpri. Ara i a una mena de sentiment d’aver perdut lo pauc de libertat qu’avián”.
Aqueste divendres, 31 d’octòbre, G.C. Murmu a pres possession coma nòu governador, un ancian naut responsable sortit de l’estat de Gujarat, d’ont es tanben originari lo primièr ministre. Un autre foncionari, Radha Krishna Mathur, a assumit la carga de governador de Ladakh.
The world's criminal silence over Indian brutalities in Indian Occupied kashmir is condemnable....#NoPoliticsOnlyKashmirpic.twitter.com/CkLA8zEC7t
— (@iftikhar_iffi50) October 30, 2019
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Mercés, aviái un dobte sus aquò: o rectifiqui sul pic!
Los territòris son pas federats (part de la federacion) mas federals (jol domeni de la "federacion").
#1 M'estonaria que siague per preservar l'identitat de Ladaq que lo Modi (lo Le Pen local ara al poder en India) fague aquel decopatge. Coma se Madrid s'opausava a l'independencia catalana per preservar l'identitat aranesa...
La violéncia es inacceptabla, de segur.
Mas lo costat positiu es que lo País Ladac serà reconoissut coma tal. Per l'aver visitat, èra pauc a cha pauc en tren de pèrdre sa cultura e de far coma dins las autas valadas d'Afganistan e autres endreches de tip Noristan. Cal apelar a la patz totun ont que sigue. Mas l'imperialisme local dals cashmiris en Ladac, deu pas èstre escondut tanben.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari