Actualitats
Nòva York enebís lo fetge gras a partir de 2022
Lo conselh municipal considèra que sa produccion es crusèla amb las bèstias e prevei de multas de fins a 2000 èuros per qui ne vendriá, utilizariá o conservariá
Lo fetge gras serà enebit a Nòva York a comptar de l’an 2022. Lo conselh municipal de la vila votèt amb una larga majoritat lo 30 d’octòbre passat de n’enebir la venda, l’usatge e la conservacion car considèran que la produccion d’aquela mangilha tradicionala occitana es extrèmadament crusèla amb las aucas. An establit de multas entre 500 e 2000 dolars pels qu’i contravendrián. La decision es arribada après una longa batèsta entre los productors e los animalistas.
L’associacion nòvayorkesa dels electors pels dreches dels animals asseguèron, après lo vòte, qu’èra “un jorn istoric a Nòva York" .
Amb aquela decision Nòva York a jonch Califòrnia, qu’enebís lo fetge gras e d’autras mangilhas derivadas de l’engraissament forçat dels fetges dels guits o de las aucas. A mai, lo fetge gras es tanben interdich dins d’autres païses coma Austràlia, Danemarc o lo Reialme Unit, çò que serà un solaçper las bèstias del país nòstre, mas un còp dur per l’economia dels productors occitans.
Mas es pas solament los productors occitans que patiràn una revirada. D'efièch, i a dos grands productors de fetge gras al nòrd de Nòva York, La Belle Farm e Hudson Valley Foie Gras, que son aquí los principals vendeires d’aquela mangilha. Aquelas doas societats an ja manifestat lor malcontentament e mai an assegurat que los animals son pas noirits d’un biais forçat e vivon en libertat.
L’associacion nòvayorkesa dels electors pels dreches dels animals asseguèron, après lo vòte, qu’èra “un jorn istoric a Nòva York" .
Amb aquela decision Nòva York a jonch Califòrnia, qu’enebís lo fetge gras e d’autras mangilhas derivadas de l’engraissament forçat dels fetges dels guits o de las aucas. A mai, lo fetge gras es tanben interdich dins d’autres païses coma Austràlia, Danemarc o lo Reialme Unit, çò que serà un solaçper las bèstias del país nòstre, mas un còp dur per l’economia dels productors occitans.
Mas es pas solament los productors occitans que patiràn una revirada. D'efièch, i a dos grands productors de fetge gras al nòrd de Nòva York, La Belle Farm e Hudson Valley Foie Gras, que son aquí los principals vendeires d’aquela mangilha. Aquelas doas societats an ja manifestat lor malcontentament e mai an assegurat que los animals son pas noirits d’un biais forçat e vivon en libertat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Avètz rason per *extrèmadament ! Aquò's de fautas que vesèm pro sovent.
Per n'èsser segur, sufís pas que d'ajustar -ament a L'ADJECTIU...
L'adjectiu *extremat existís pas, doncas es pas *extremadament (*extremat·ament)
mas extrèmament (extrèm·ament)
L'adjectiu *normalat existís pas, doncas es pas *normaladament (*normalat·ament)
mas normalament (normal·ament)
L'adjectiu *recentat existís pas, doncas es pas *recentadament (*recentat·ament)
mas recentament (recent·ament)
Per contra existisson plan los adjectius seguents :
forçat → "forçatament" > forçadament
carrat → "carratament" > carradament
aisat → "aisatament" > aisadament
separat → "separatament" > separadament
desagrat → "desagratament" > desagradament
Sempre m'havia parescut una barbaritat crudela la maniera com fasevan lo fetge gras en França. I a altras manieras de far-ne sense aver de posar un aumut a la boca de l'auca i donar-li manjar a la força.
Desempuèi 1999 França e de fach Occitània exportan gaireben pus de fetges gràs, de guits d’aucas als USA.
Las taxas mesa en plaças pels Estats-Unids, fan que lo produch es al pretz del fuòc e damora atal invendable.
Ni per tot, es mailèu en terme d'imatge qu'es negatiu, aquò rai europa a ja pensat a enebir los fetges gràs, tirat lo de juncker...Las causas son endralhadas çaquelà, prendrà un bocin mai de temps. S'en parla ja dins la premsa dels guits e aucas del temps benezit ont sarà enebit.
[ Extrèmadament me tira los uèlhs del cap, sariá mailèu extrèmament, o alavetz bravament de per tsemple ! ]
Lo fetge gras serà enebit a Nòva York a comptar de l’an 2022 ? Impecable ! Ne farai mai per nosautres, e amb la casuda de la demanda, lo prètz tanben baissarà… An pas que de se chapar lo hamberger e lor hot dog entre eles…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari