Actualitats
Catalonha e Aran: s’es constituida l’Assemblada dels Elegits per la libertat dels presonièrs politics
Dos milièrs d’elegits araneses e catalans sostenon las mobilizacions popularas contra la senténcia e s’engatjan a trabalhar per l’autodeterminacion
Mai de 2000 elegits de Catalonha e d’Aran an constituida l’Assemblada dels Elegits (en catalan Assemblea de càrrecs electes) amb la tòca de rebutar la senténcia que condemna los presonièrs politics catalans a de penas d’entre 9 e 13 ans de preson per l’organizacion d’un referendum d’independéncia en octòbre de 2017.
Los elegits, de catalans e d’araneses, son convenguts d’una posicion politica comuna que denóncia aquel verdicte de la justícia espanhòla, demanda l’amnestia e la libertat dels presonièrs politics e dels exiliats, sostenon las mobilizacions popularas, exigisson que l’estat espanhòl dialògue amb los catalans e s’engatjan a trabalhar per l’autodeterminacion e per “una solucion politica que permeta als catalans de decidir lor futur politic dins las urnas”.
A mens de doas setmanas de las eleccions legislativas espanhòlas, los tres partits independentistas an priorizat aquel manifèst consensual e la creacion d’aquela estructura, l’Assemblada dels Elegits, coma alternativa a las institucions actualas, que pòsca agir sens l’intervencion de l’estat espanhòl.
La realitat nacionala occitana d’Aran
Dins l’eveniment de constitucion de l’Assemblada dels Elegits, se parlèt en occitan. D’un caire, lo conselhier municipal de Les, Hug de la Rosa, remembrèt “qu’en aguest procès i èm beri aranesi e araneses” e demandèt que non se desmembrèsse “era nòsta realitat nacionau d’arraitz occitana e era nòsta singularitat e era nòsta lengua e cultura”. De la Rosa tanben soslinhèt qu’en Aran i a tanben fòrça gent “qu’exigís era libertat des presoèrs politics, era fin dera repression, e qu’arreconeish eth dret deth pòble catalan... eth sòn dret ara autodeterminacion, atau coma eth Parlament de Catalonha ac arreconeishec ath pòble aranés”.
De son caire, la deputada Anna Geli tanben soslinhèt la preséncia d’Aran e que, doncas, “ei important que s’age en compde”. En mai d’aquò Geli remembrèt l’autogovèrn istoric que lo tenguèt Aran entre 1313 e 1834: “Hè fòrça temps siguérem ua republica”, çò diguèt.
“Demani ath govèrn d’Aran que se posicione a favor des catalans”
Dins aquel sens, la deputa aranesa precisèt que las institucions aranesas son ara restauradas gràcias al govèrn catalan, e non pas gràcias al govèrn espanhòl. Per aquela rason, mandèt un messatge al govèrn d’Aran: “Demani ath govèrn dera Val d’Aran que se posicione a favor, o coma minim, ath cant des catalans que son èri es que mos auetz reconeishut pendent fòrça ans”.
Los elegits, de catalans e d’araneses, son convenguts d’una posicion politica comuna que denóncia aquel verdicte de la justícia espanhòla, demanda l’amnestia e la libertat dels presonièrs politics e dels exiliats, sostenon las mobilizacions popularas, exigisson que l’estat espanhòl dialògue amb los catalans e s’engatjan a trabalhar per l’autodeterminacion e per “una solucion politica que permeta als catalans de decidir lor futur politic dins las urnas”.
A mens de doas setmanas de las eleccions legislativas espanhòlas, los tres partits independentistas an priorizat aquel manifèst consensual e la creacion d’aquela estructura, l’Assemblada dels Elegits, coma alternativa a las institucions actualas, que pòsca agir sens l’intervencion de l’estat espanhòl.
La realitat nacionala occitana d’Aran
Dins l’eveniment de constitucion de l’Assemblada dels Elegits, se parlèt en occitan. D’un caire, lo conselhier municipal de Les, Hug de la Rosa, remembrèt “qu’en aguest procès i èm beri aranesi e araneses” e demandèt que non se desmembrèsse “era nòsta realitat nacionau d’arraitz occitana e era nòsta singularitat e era nòsta lengua e cultura”. De la Rosa tanben soslinhèt qu’en Aran i a tanben fòrça gent “qu’exigís era libertat des presoèrs politics, era fin dera repression, e qu’arreconeish eth dret deth pòble catalan... eth sòn dret ara autodeterminacion, atau coma eth Parlament de Catalonha ac arreconeishec ath pòble aranés”.
De son caire, la deputada Anna Geli tanben soslinhèt la preséncia d’Aran e que, doncas, “ei important que s’age en compde”. En mai d’aquò Geli remembrèt l’autogovèrn istoric que lo tenguèt Aran entre 1313 e 1834: “Hè fòrça temps siguérem ua republica”, çò diguèt.
“Demani ath govèrn d’Aran que se posicione a favor des catalans”
Dins aquel sens, la deputa aranesa precisèt que las institucions aranesas son ara restauradas gràcias al govèrn catalan, e non pas gràcias al govèrn espanhòl. Per aquela rason, mandèt un messatge al govèrn d’Aran: “Demani ath govèrn dera Val d’Aran que se posicione a favor, o coma minim, ath cant des catalans que son èri es que mos auetz reconeishut pendent fòrça ans”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari