Una nòva protèsta dels activistas pròdemocracia a Hong Kong s’es acabada amb un bilanç de plusors personas nafradas, dont una dins un estat plan grèu. Aqueste dimenge, avián cridat a s’acampar assetats dins los centres comercials, mas foguèron lèu atacats e dispersats per la polícia.
 
Dins un d’aqueles centres comercials, lo Cityplaza de Tai Koo, un òme pròchinés agarriguèt amb un cotèl mai d’una persona. Qualques manifestants ensagèron de l’arrestar, dont lo conselhièr del Partit Democrata Andrew Chiu, que l’assalhidor li derrabèt un tròç d’orelha amb una mossegada. Un manifestant enregistrèt en vidèo aquela agression:
 

WARNING NSFW (Violence, Ear on ground)

Latest new footage from Taikoo - Here is the ear biting attack. He escapes from the security guard, runs in a circle, and bites his victim's ear off#StandWithHongKong#HongKongProtestspic.twitter.com/4XpMuu9iyJ

— woppa (@Woppa1Woppa) November 3, 2019

 
Enfin, la molonada linchèt l’agressor del temps que las personas escoteladas èran menadas a l’espital.
 
Aquesta es la vint e dosena setmana de protèstas a Hong Kong, que manten un braç de fèrre amb las autoritats localas e China per obténer de reformas democraticas.
 
 

My close colleague Dr Andrew Chiu was assaulted in his constituency, Taikoo Plaza. His left ear was brutally halved. I strongly condemn these violent attacks especially targeting election candidates. pic.twitter.com/Yh4yf6cRtj

— Joshua Wong 黃之鋒(@joshuawongcf) November 3, 2019