Lo 24 d’octòbre passat, a Nimes, trobèron doas femnas mòrtas dins un apartament del centre vila. L’autopsia a revelat que las doas defuntèron per de causas naturalas dins una situacion d’extrèma pauretat e solitud, çò rapòrta France Bleu.
 
Èran una maire e una filha de mai de 90 e 50 ans respectivament. La filha aviá de problèmas cardiacs. Segon l’autopsia, la filha seriá mòrta la primièra e èra dins un estat de descomposicion fòrça avançat. La maire moriguèt qualques jorns o setmanas pus tard. Lo darrièr còp que la vegèron èra tres setmanas abans la descobèrta dels còrses, quand ela auriá reclamadas de pastas a una vesina, que refusèt de li’n donar.