Assange s’adreiçarà a la multitud davant l’ambaissada eqüatoriana, per marcar aital sos sièis meses d’asil politic, çò a precisat WikiLeaks sus Twitter e coma o a raportat la cadena CNN.
 
E mai lo jornalista australian a anonciat, encara sus Twitter, que transmetrà un messatge nadalenc e a convidat los seguidors de venir assostats e de portar de candelas pendent l’amassada.
 
Assange faguèt ja una aparicion publica sul balcon d’aquela ambaissada en agost passat, quand l’Eqüator li autregèt l’asil politic, e mai se lo Reialme Unit manten son intencion de lo liurar a Suècia.
 
Lo ciberactivista es reclamat per aquel país escandinau per èsser enquestat sus de delictes sexuals presumits, mas sos avocats e lo govèrn de l’Eqüator an paur d’una extradicion als Estats Units, on deuriá afrontar de cargas per aver publicat sus WikiLeaks de milièrs d’informacions secretas del govèrn dels Estats Units.