Actualitats
Ràdio Occitània se tròba dins una situacion critica
L’ÒPLO a refusat sa demanda de subvencion per l’an 2019 en argumentant de restriccions budgetàrias
Ràdio Occitània se tròba dins una situacion critica. Dimars passat, lo 5 de novembre, la ràdio qu’emet de Tolosa estant raportèt als mèdias que l’Ofici Public de la Lenga Occitana (ÒPLO) refusava la demanda de subvencion per l’an 2019 a causa d’una restriccion budgetària.
Nascuda a Tolosa en 1981, Ràdio Occitània emet en occitan e promòu la lenga e la cultura del país que se tròba dins una situacion de minorizacion inquietanta. E mai dona la paraula a la mosaïca culturala de la Ciutat Mondina en emetent en un fum de lengas d’aquelas comunautats de ciutadans.
Realiza e difusa 24 oras sus 24 de programas pròpris, mai que mai en occitan, amb dètz bulletins informatius per jorn. Es escotada per unas 42000 personas cada setmana.
Après la decision de l’ÒPLO, Ràdio Occitània anóncia que perilhan qualques salariats e, per tant, la qualitat e la quantitat dels programas en occitan sus la banda FM.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'opinió la deixo per vosaltres, però no permeteu que tanqui, fa molta falta mitjans en la llengua Occitana.
No la perdeu.
Visca la Terra...Lliure!
L'Ernest, "El Tàrrega".
#39 Franc, cresi pas que la question es qu'un fa "mièlh", i'a pas "pieger" o "mielh" son que diferents. La ret dels medias occitans es pas concurenciala si non complementaria. Avèm cadun la nòstra identitat e es essenciau (subretot amb las nòvas costumas de consomacion dels medias, via l'internet) permèt a cadun d'escotar çò qu'a enveja d'escotar veire de salpicar programas d'en pertot. Aprep nosautres a Radio Occitania, disem pas "cal tirar moneda als autres medias per lo donar a Radio Occitania", disem "cal una politica clara en terme de medias, discutida mentre l'OPLO e totes los medias (qu'avem malastrosament pas mai de Federacion pel moment, ela tanben a desapareguda per "manca de subvencions") e una linha budgetaria sufisenta per permetre a totes los medias de faire trabalhar de qualitat e d'aguer lo temps de poder tanben escambiar amassa en tot gardant l'identitat de cada media". I trabalham
#37 S'as plan legit mos comentaris e s'as plan escotat lo nòstre discors dempuei la debuta, disem "volem plan creire que i'a causas que van pas mas de qu'es aquò" e avem pas nat responsa.
Ac torni diser, es clar qu'una subvencion se justifica (soi contra lo fach de diser "s'amerita") mas la justificacion marcha dels dos costats : se te disi "prepara me una monjetada e te doni 100€", ben se me preparas una monjetada, te doni 100€, se me preparas una garbura, te dirai "es pas çò que t'ai demandat, te pagui pas"... Per contra se te disi "cosinas per ieu e te doni 100€" se me fas una garbura, me sembla vergonhos d'arribar e de te diser "es pas aquò que voliai minjar, pagui pas".
Lo problema torna montar a abanç l'OPLO, i'a pas jamai agut qualqu'un dins los partenaris financiers matgers (las regions) per se pausar en "interlocutor amb los medias" (per tant, lo director de l'OPLO faguèt de radio e foguèt jornalista a la Setmana, Grosclaude del temps onte era elegit, avia la capacitat podem pas diser l'encontrari e Obispo, per aver escambiat mantuns còps amb el a una bona vision e d'ideas per trabalhar amb los medias)... Nosautres sem pas contra lo dialòg, mas avèm pas d'interlocutor, e coma vos interlocutar sense interlocutor.
A mai un darrièr punt, se quicòm truca (fòra que coma l'ai ja dich, ac cal diser) de costuma, i'a un seguit de dossiers, òm en charra quora lo dossièr es pausat, òm escambia, òm afina... Aici pas res, pausa un dossièr, e qualques meses aprep reçaup un "avètz las dardenas" o "anètz vos faire molser" sense nada explicacions mai. E puei se quicòm va pas, a la rigor, podrian diser "aquò va pas, vos donam mens, e se vesem que se melhora n'en tornarem charrar l'an que ven", dins los quites films policiers, i'a somacions abanç de tirar.
Doncas te rasseguri Loilon, pas de victimisacion a nòstres, pas que l'enveja d'aguer responsas a las nòstras questions... Aquò te sembla pas normal ?
#37 E qu'a fit Radio Lengadòc que Radio Occitania non auriá fait ? E qui son per ne jutjar ?
1) Un problèma grèu, me sembla, es que jamai los elegits de l'estat francés actual non se son faits valer electoralament per una oposicion frontala e clara a la subrevida de las lengas ditas "de França" (al contrari) ni mai a lors ensenhaments e difusions respectius. Mas dins los faits, o nos poirisson tot. De partits politics "presidenciables" que las defendan al nivèl de l'estat, gaire n'i a : benlèu dos o tres, res mai. Rai, podèm eventualament causir un d'entre eles electoralament, al primièr torn. E al segond torn, qué fasèm per nos aparar totes aqueles autres que jutjan republican de nos daisar crebar de sa politica d'aneientiment multi-seculària ?
2) Mas un segond problèma, benlèu mai grèu encara que lo primièr, de dessenha pro netament aicí, adara. L'OPLO decidís d'ara enlà de la politica linguïstica dins la mesura — de l'òrdre de la mendicalha d'estat, respècte a tot çò sostengut en francés — que li es pro limitada, mas non nula — se'n manca ! —, o auretz remarcat. E totun, a partir d'aquí, decidís de çò que deu viure e de çò que deu crebar. Non vòl ajudar la prensa occitana ? E qué ? Decidís que la prensa occitan pòt ben crebar ? Al nom de quina politica (digna de 1984 d'Orwell) un organisme non elegit decidís pel pòble de çò que pòt èsser sa prensa ? Mas aquò, rai ; pel mieu rasonament, admetèm una estona que siam encara en democracia (òm pòt somniar). Se volem cambiar de politica per la lenga occitana, cossí fasèm, d'ara enlà ? I a un Rosset aquí dedins que, mai o mens elegit, se pren per un socialista e s'imagina d'esquèrra, supausi… E los autres ? Totes los autres de la còlha ? Los avètz elegits, vosautres ? A ieu, degun non m'a pas res demandat a lor subjècte ? D'ont nos tomban ? Qui son per decidir a la nòstra plaça (la del pòble) d'una politica d'exterminacion editoriala papièr, internet e radiofonica ? Qui son per decidir a la nòstra plaça, coma se foguèssem d'ases e eles, de luses ? Per qué se prénon ? Per qué nos prénon ? Cossí se fa qu'una tropelada de desconeguts decidiscan a la plaça dels nòstres elegits qué far o qué far pas a la nòstra plaça, los actors culturals e autres professionals ?
Non nos son res e decidisson de la vida e de la mòrt d'associacions, de jornals, de radio ? Al nom de qui ? Al nom de qué ? Al nom de quina linha politica causida electoralament pel pòble ? A la plaça dels actors del pòble qu'encara lutan per la subrevida d'aquel pòble mai que de pavonar darrièr un burèu ? Qui son per causir e decidir a la nòstra plaça, sense nos consultar jamai per res ? Quina es lo legitimitat democratica ?
Pensi qu'aqueste segond problèma democratic es encara mai grèu que lo primièr…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari