Actualitats
Catalonha: de milièrs de manifestants an blocat la frontièra estatala sus l’A9
An installat un empont ont s’es tengut un concèrt de Lluís Llach. Demandan a la comunautat internacionala que compelisca Espanha a dialogar amb los independentistas catalans
Qualques milièrs de personas an ocupat l’autoestrada A9 sul ponch de la frontièra estala entre Catalonha Nòrd e Catalonha Sud per reclamar la liberacion dels presonièrs politics e denonciar la situacion de repression que la patís Catalonha. [Fòtos] Dins la matinada de diluns an installat un empont e an bolegat los barratges de beton per copar la circulacion. Mentretant, de grops de personas arribavan a pè de tota Catalonha, amb de tendas e de sacas de dormir per jónher la protesta del temps que se sarravan de l'endrech de mai en mai d’agents de la polícia francesa (CRS), catalana (Mòssis d’Esquadra) e espanhòla (Guàrdia Civila e Polícia dicha nacionala) se sarravan. Los manifestants an l’intencion d’i demorar fins a deman dimècres. Lo cònsol màger de Prats de Molló a jonch l’acamp e a ensajat de far lo mediator amb los gendarmas. A 16h00, lo celèbre cantador Lluís Llach faguèt un petit concèrt sus l’empont en interpretant tres cançons:
EN DIRECTE Lluis Llach (@lluis_llach) comença el seu concert al tall de l'AP-7 a la Jonquera, convocat pel @tsunami_dem; imatges de @Sergi_Ambudiohttps://t.co/tcKMfulssB#10Npic.twitter.com/qMdx1RhNza
— NacióDigital (@naciodigital) November 11, 2019
Amb aquela accion, los manifestants vòlon far reagir la comunautat internacionala per que faga pression sus l’estat espanhòl e que s'entamene un dialòg amb los independentistas catalans al poder en Catalonha.
Los manifestants demandan que quina persona que pòsca jonga l’acamp.
Avui comencem una nova forma de protesta, fent servir la tecnologia per defensar els drets i llibertats col·lectives, enlloc de la repressió i el control. Amb aquest nou paradigma, els vehicles són els protagonistes de l'acció i, per això, cal ser massius. pic.twitter.com/6d9dfeq1zY
— Tsunami Democràtic (@tsunami_dem) November 11, 2019
La protèsta a començat just l’endeman d'eleccions legislativas qu’an certificat lo blocatge politic d’Espanha amb l’estagnacion del PSÒE, la desbranda de Ciutadans, la granda crescuda de l’ultradrecha e lo refortiment de l’independentisme en Catalonha.
El tall de la Jonquera-Pertús ja té 'videoclip':#TothomalaJonquera#TsunamiDemocràtic per la #RepúblicaCatalana#Llibertatpresospolíticspic.twitter.com/pKALCT8U3L
— Llibertat.cat (@Llibertatcat) November 11, 2019
Pourquoi le #Tsunamidemocratic bloque la frontière sur l'autoroute au Perthus https://t.co/kkfwDqGCDl
— L'Indépendant (@lindependant) November 12, 2019
« Cette mobilisation est un cri adressé à la communauté internationale pour qu’elle fasse comprendre à l’Etat espagnol que la seule voie, c’est s’asseoir et parler » : la frontière franco-espagnole bloquée par des indépendantistes catalans https://t.co/QNXfRJrQHS
— Le Monde (@lemondefr) November 11, 2019
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
En responsa a la demanda de libertat dels presonièrs politics e d'una vertadièra democracia, França e Espanha an mandat la flicalha amb gases incluses.
I a pas de dobte, los dreches de l'Òme avançan en Euròpa.
Cal esperar que Tsunami democratic traparà lo mejan d'espelongar un rambalh pro consequent pels 3 jorns promeses.
Pel moment, los mèdias exagonals s'entestardisson a agachar las causas pel trauc de la sarralha en parlant sonque de Vox.
Un autre blocatge: aqueu dau govèrn que blòca la democracia... Ma aquò la comunautat internacionala s'en bate!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari